Levítico 17:7 - CHUYA QELLQA La Biblia en Quechua de Ayacucho 2012

⁷ Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Quechua Ayacucho Bible 1987

⁷ Manañam mastaqa wañuchipunkichikñachu chivato kaqlla demoniokunamanqa. Chaykunata ñawpaqta adoraspam pierdekuq warmi hina huchallikurqankichik, kaymi kanqa wiña-wiñaypaq decretoy llapallan miraynikichikpaq.

Chuya Qellqa 1992

⁷ Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Levítico 17:7 Iomraidhean Croise

2~Crónicas 11:15

Paykunapa rantinpim Jeroboamqa kikinpa sacerdotenkunataña churarurqa, moqokunapi kaq capillakunapi, demoniokunapa chaynataq toro idolokunata ruwachisqanpa sacerdotenkuna kanankupaq.

Éxodo 22:19

Pipas animalwan qachakuqtaqa wañuchinkichikmi.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Éxodo 34:15

Chay nacionpi runakunawanqa amam ima contratotapas ruwankichikchu, paykunaqa chuchumikaruq casada warmi hinam idolonkupaq animalkunata wañuchispa aychantapas mikuchisunkichikman.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Ezequiel 23:3

Paykunam Egipto nacionpi sipasllaraq kachkaspanku chuchumika kayman qokururqaku, chaypim ñuñunkuta mullkachikuyta qallaykurqaku, chaypitaqmi manaraq qari reqsiq kayninkutapas pierderurqaku.

Ezequiel 23:8

Payqa Egipto nacionpi kasqanmantaraqmi chuchumika kayninta mana saqerqachu, achkaqmi paywanqa sipas kayllanpiraq puñukurqaku. Paykunam warma ñuñunkutapas mullkapayaspanku chuchumikayarachirqaku.

Levítico 17:8

Israelpa miraynin kaspa otaq huklaw llaqtayuq kaspapas lliw kañana otaq wakin ofrendatapas

Levítico 20:5

kikiypunim chay runapa contranpi chaynataq ayllunpa contranpipas sayarirusaq, hinaspam runamasinkunamanta chinkarachisaq, chinkarachisaqtaqmi paywan kuska chuchumika warmi hina Molocta yupaychaspa huchallikuqkunatapas.

Levítico 3:17

Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

1~Corintios 10:20

Diospi mana iñiq runakuna animalkunata ofrecespankuqa demoniokunamanmi ofrecechkanku, manam Diosmanchu. Chaynaqa, manam munanichu demoniokunawan hukllawakunaykichiktaqa.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 32:17

Demoniokunapaqmi animalkunata ofrecerqaku, manam Tayta Diospaqchu; paykunapapas chaynataq ñawpaq taytankupapas mana reqsisqanku chayllaraq rikurimuq idolokunapaqmi chayta ruwarqaku.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.