Levítico 17:5 - CHUYA QELLQA La Biblia en Quechua de Ayacucho 2012

⁵ Chaynapim Israelpa mirayninkunaqa campamentomanta huklawpiña nakaspapas ofrendankutaqa ñoqaman apamuwanqaku carpapa punkunman, sacerdoteñataqmi ñoqawan allinlla kasqankumanta ofrendata ofrecewanqa.

Quechua Ayacucho Bible 1987

⁵ Chaynapim Israelpa mirayninkunaqa ofrendankuta ñoqaman apamuwanqaku. Chakrapi nakaqkunaqa asuykamuwananku karpapa punkunpi sacerdotemanmi apamunqaku, ñoqawan allinlla kasqankumantam ofrendata presentawanqaku.

Chuya Qellqa 1992

⁵ Chaynapim Israelpa mirayninkunaqa campamentomanta huklawpiña nakaspapas ofrendankutaqa ñoqaman apamuwanqaku carpapa punkunman, sacerdoteñataqmi ñoqawan allinlla kasqankumanta ofrendata ofrecewanqa.

Levítico 17:5 Iomraidhean Croise

Génesis 21:33

Hinaptinmi Beerseba llaqtapi tamarisco sachata Abraham plantarqa, hinaspam wiñaypaq kawsaq Diosta chaypi mañakurqa.

Génesis 22:13

Chaymi Abraham qawaykacharikuspan qepanpi rikururqa huk carnero waqranmanta chaprapi arwikusqata. Chay carnerota hapispam Abraham wañuchirqa churinpa rantinpi kañananpaq.

Génesis 22:2

Chaymi Dios nirqa: Moriah lawman riy kuyasqayki sapallan churiki Isaacta pusarikuspa, chaypi payta kañaspa ofrecemuway, ñoqam nisqayki mayqan orqopim ruwanaykitapas, nispa.

Génesis 31:54

Chaymantam Diospaq animalkunata wañuchispan Jacob kañarqa, hinaspam ayllunkunata qayaspa mikurqaku. Mikuruspankum orqopi chay tuta, puñurqaku.

1~Reyes 14:23

Paykunapas alto moqokunapim capillakunata ruwarqaku, hinaspam Asera idolotawan rumimanta kullumanta ruwasqa idolokunata sayachirqaku, sayachirqakutaqmi rapisapa hatun sachakunapa sikinpipas.

1~Reyes 3:2

Israelpa mirayninkunaqa Tayta Diospa wasin manaraq ruwasqa kasqanraykum alto moqokunapi kaq capillakunapi sacrificiokunata ofreceqku.

1~Reyes 3:3

Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

2~Reyes 16:4

Alto moqo capillakunapipas chaynataq rapisapa sachakunapa sikinpipas hinallam sacrificiota ofrecespan inciensota kañarqa.

2~Reyes 17:10

moqokunapipas chaynataq rapisa-pa sachakunapa sikinkunapipas rumi-manta pilarkunatawan Asera idolokunatañam sayarachirqaku.

2~Crónicas 28:4

Alto moqo capillakunapipas hinaspa hatun sachakunapa sikinpipas sacrificiokunata ofrecespanmi inciensokunata kañarqa.

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 22:9

Runaykikunaqa yanqakunamanta tumpaspam runata wañuchinku; paykunaqa idolokunata yupaychanankupaq orqokunapi convido ruwasqankuman rispam, pasaypaq millakuypaq kaqkunata ruwamunku.

Ezequiel 43:27

Chay qanchisnintin punchawkuna tukuruptinmi, pusaq kaq punchawmanta qepaman llapa sacerdotekuna qallaykunqaku lliw kañana sacrificiokunatawan ñoqa Tayta Dioswan allinlla kasqaykichikmanta sacrificiokuna ofreceyta; hinaptinmi chaskisqaykichik. Ñoqa Tayta Diosmi chaynata nini.

Ezequiel 44:15

Israelpa mirayninkuna ñoqamanta karunchakuruptinkupas Leví ayllumanta kaq Sadocpa mirayninkunam ichaqa temploypi servikurqaku, paykunallam serviwananpaqqa asuykamuwanqaku. Paykuna asuykamuwaspankum animalpa wirantawan yawarninta ofrecemuwanqaku. Ñoqa Tayta Diosmi chaynata nini.

Levítico 17:4

hinaspañataq chay nakasqanta ñoqa Tayta Diospa santuarioypa punkunpi ofrecewananpaq mana apamunqachu, hinaspaqa yawar chaqchusqanmantam huchayuq kanqa. Chayraykum chay runaqa llaqtamanta chinkachisqa kanqa.

Levítico 17:6

Hinaptinmi sacerdote asuykuwananku carpapa punkunpi altarman yawarta challanqa, hinaspam chay animalpa wiranta kañanqa. Chayqa ñoqa Tayta Diospaq miskillaña asnaq ofrendam.

Deuteronomio 12:2

Yaykunaykichik llaqtakunapa idolonkuna yupaycha-nanku sitiokunataqa tuñichinkichik-mi, tuñichinkichiktaqmi orqokunapa puntankunapi, moqokunapi chaynataq llaqesapa sachakunapa sikinpi kaqkunatapas.