Levítico 17:10 - CHUYA QELLQA La Biblia en Quechua de Ayacucho 2012

¹⁰ Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Quechua Ayacucho Bible 1987

¹⁰ —Israelpa castankunamanta otaq qamkunawan *f**yachaq forasterokunamanta pipas yawarta mikuruptinqa paypa contranpim kasaq hinaptinmi runamasinkunamanta chinkachisqa kanqa.

Chuya Qellqa 1992

¹⁰ Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Levítico 17:10 Iomraidhean Croise

Génesis 9:4

Kikillanmanta wañusqa animalpa aychantaqa amam mikunkichikchu, yawarninpi kawsaynin kasqanrayku.

2~Samuel 23:17

nirqa: ¡Diosyá libraykuwachun kay yaku tomanaymanta! ¿Imaynataq tomayman kay runakuna vidanta wañuypa makinman churaykuspa apamusqanku yakuta? nispa. Chaymi mana tomarqachu. Chaykunatam kay kimsa allinnin qari-qari runakuna ruwarqaku.

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Jeremías 21:10

Ñoqa Tayta Diosmi nini: Ñam tantea-runiña, kay llaqtataqa manañam kuya-payasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

Jeremías 44:11

Chayraykum Israelpa yupaychasqan Tukuy Atiyniyuq Tayta Dios kaynata nin: Qamkunapa contraykichikpi castigokunata kachaykamuspaymi Judá runakunata tukurusaq.

Ezequiel 14:8

Chay runapa contranpi hatarispaymi, wakin runakunapas manchakuyta yachanankupaq castigaruspay llaqtaypa chawpinmanta chinkarachisaq. Chaynapim Tayta Dios kasqayta yachankichik.

Ezequiel 15:7

Paykunapa contranpim ñoqaqa sayarisaq, ninapa rupayninmantaña ayqeruptinkupas hina ninam paykunataqa kañanqa. Paykunapa contranpi hatariptiymi Tayta Dios kasqayta yachankichik.

Ezequiel 33:25

Chaynaqa, ñoqa Tayta Diospa nisqayta kaynata niy: Qamkunaqa aychatapas yawarnintintam mikuchkankichik, idolokunata yupaychaspaykichikmi runakunatapas wañuchichkankichik. ¿Chaykunata ruwachkaspachu kay allpa hapikuykuytaraq munachkankichik?

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Levítico 17:11

Animalpa vidanqa yawarninpim kachkan. Ñoqam kamachirqaykichik chay yawarta altarman apaptikichik huchaykichikta pampachanaypaq. Chay yawarwanmi huchaykichikta pampachaspay vidaykichikta librasaq.

Levítico 19:26

Ima aychatapas yawarnintintaqa amam mikunkichikchu. Amataqmi qatipaqkunapas nitaq layqakunapas kankichikchu.

Levítico 26:17

Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Levítico 3:17

Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Amós 9:4

Enemigonkupa preso apasqanña rispankupas chaypim espadawan wañuchisqa kanqaku; paykunataqa ñakarinankupaqmi qawarisaqpas, manam yanapanaypaqñachu.

Hechos 15:20

aswanqa kaynatayá qellqaykusunchik: “Amam mikunkichikchu idolokunaman ofrecesqa mikuytaqa, amam huchapakunkichikchu, amam mikunkichikchu yawartaqa nitaq ya-warpa pasasqan aychatapas”, nispan-chik.

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

Deuteronomio 12:16

Yawarnintam ichaqa ama mikunkichikchu, yakuta hinam pampaman tallinkichik.

Deuteronomio 12:23

Yawarnintam ichaqa ama imaraykupas mikunkichikchu. Yawarqa animalpa vidanmi, animalpa vidantaqa amam aychantawan kuskataqa mikunkichikchu.

Deuteronomio 15:23

Chay animalkunapa yawarnintam ichaqa ama mikunkichu, yakuta hinam pampaman tallirunki.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

1~Samuel 14:32

Chaymi llapallan runakuna kallpaspanku enemigomanta qechusqankuta hapikurqaku: Ovejakunata, vacakunata, torillokunata. Chaykunata nakaspankum hina yawarnintinta aychata mikurqaku.

1~Samuel 14:33

Ichaqa wakin runakunam Saulman willaykamurqaku: Runakunam Diospa contranpi huchallikuchkanku, aychatam yawarnintinta mikukuchkanku, nispanku. Hinaptinmi Saúl nirqa: ¡Qamkunaqa mana kasukuqkunam kankichik! Kayman huk hatun rumita tanqamuychik.