Levítico 16:5 - CHUYA QELLQA La Biblia en Quechua de Ayacucho 2012

⁵ Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas.

Quechua Ayacucho Bible 1987

⁵ —Israelpa mirayninkunapa rantinpiñataqmi Aaron apamunqa iskay chivatokunata huchamanta ofrendapaq, apamunqataqmi huk carnerotapas lliw kañana ofrendapaq.

Chuya Qellqa 1992

⁵ Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas.

Levítico 16:5 Iomraidhean Croise

2~Crónicas 29:21

Qatirqakutaqmi qanchis malta torokunata, qanchis carnerokunata, qanchis malta carnerokunata hinaspa qanchis chivatokunatapas, reypa ayllunkuna pampachasqa kanankupaq, Judá runakunapas huchanmanta pampachasqa kanankupaq hinaspa santuariopas chuyanchasqa kananpaq. Reymi kamachirqa Aaronpa mirayninmanta kaq sacerdotekunata, chay animalkunata wañuchispa Tayta Diosman altarninpi ofrecenankupaq.

Esdras 6:17

Templota dedicaspankum Tayta Diosman ofrecerqaku pachak malta torokunata, iskay pachak carnerokunata, tawa pachak malta carnerokunata hinaspa chunka iskayniyuq chivatokunatapas, huk chivatotam sapa ayllumanta hucha pampachana ofrendapaq wañuchirqaku.

Levítico 1:10

Pipapas ovejamanta otaq cabramanta ofrendan kaptinqa, orqon kaqtam chaynataq sanon kaqtam apamuwanqa;

Levítico 4:3

Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.

Levítico 8:14

Hinaspam hucharayku wañuchinapaq malta torota Moisés pusachimurqa, chaymi Aaronwan churinkuna hucharayku wañuq malta toropa umanman makinkuta churaykurqaku.

Levítico 8:2

Aarontawan churinkunata pusamuy, pachankutapas, ñoqapaq sapaqchaspa tallina aceitetapas, hucharayku wañuchinapaq malta torotapas, iskay carnerotapas chaynataq canastapi mana levadurayuq tantakunatapas apamuytaq.

Levítico 9:2

Hinaspam Aaronta nirqa: Hucha pampachana ofrendapaqmi huk sano malta torota pusamunki, pusamunkitaqmi lliw kañana sacrificiopaq sano carnerotapas, Tayta Diosman ofrecenaykipaq.

Números 29:11

Kawsay-kunamanta ofrendayuq hinaspa tallinapaq vinoyuq sapa punchaw lliw kañana sacrificiota ofrecewachkaspapas, ofrecemuwankichiktaqmi huk chivatota huchaykichik pampachasqa kananpaq.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.