Levítico 16:29 - CHUYA QELLQA La Biblia en Quechua de Ayacucho 2012

²⁹ Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Quechua Ayacucho Bible 1987

²⁹ —Kaymi qamkunapaq kanqa wiña-wiñaypaq decretoy: Qanchis kaq killapa chunka punchawninpim ayunankichik hinaspam ama llamkankichikchu. Amataqmá llamkanqachu llaqtamasikichikpas nitaq qamkunawan kaq forasteropas.

Chuya Qellqa 1992

²⁹ Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Levítico 16:29 Iomraidhean Croise

1~Reyes 8:2

Rey Salomonmi Israelpi runakunawan hatun fiestata ruwanankupaq huñunakururqa Etanim sutiyuq qanchis kaq killapi.

Esdras 3:1

Qanchis kaq killa chayaramuptinmi, Israelpa mirayninkuna sapakama llaqtankupiña kachkaspanku, chulla runa hinalla Jerusalén llaqtapi huñunakururqaku.

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Éxodo 12:16

Qallariy punchawwan qanchis kaq punchawmi ñoqapaq hatun huñunakuy kanqa, chay punchawkunapiqa amam llamkankichikchu. Ruwaspaqa ruwankichik mikunallaykichiktam.

Éxodo 20:10

qanchis kaq punchawpim ichaqa samanki, chay punchawqa ñoqa Tayta Diospaq sapaqchasqa punchawmi. Chay punchawpiqa amam imatapas ruwankichu, qari churikipas, warmi churikipas, criadoykipas, criadaykipas, animalnikipas, nitaq qanwan yachaq huklaw llaqtayuqpas, amam imatapas ruwanqakuchu.

Éxodo 30:10

Aaronmi watapi huk kutita altarpa tawan esquinanpi waqrachankunata yawarwan llusinqa. Chaynataqa ruwanqa hucha pampachanapaq wañuchisqanku animalpa yawarninwanmi; chay altarqa ñoqallapaqña sapaqchasqam kanqa.

Éxodo 31:14

Samana punchawpiqa samankichikpunim, chay punchawqa ñoqallapaqña sapaqchanaykichik punchawmi kanqa, pipas chay punchawpi mana samaqqa wañunqapunim. Pipas chay punchawpi imapas ruwaqqa ayllunmanta chinkachisqam kanqa.

Éxodo 31:15

Soqta punchawmi llamkankichik, qanchis kaq punchawpiñataqmi samankichik, chay punchawqa ñoqapaq sapaqchasqa kasqanraykum pipas chay punchawpi llamkaqqa wañunqapuni.

Isaías 58:13

Sichum samana punchawniypi samaspaykiqa ruwaynikikunata samana punchawniypi mana ruwaspaykiqa, chay punchawta “kusikuna punchaw, Diospaq sapaqchasqa punchaw, kasukuna punchaw” nispa sutichaspaykiqa, manaña munasqaykipi purispa kasukuspaykiqa, nitaq munasqaykita maskaspa yanqakunapi mana purispaykiqa,

Isaías 58:3

Chaywanpas niwankuraqmi: ¿Imapaqtaq ayunaymanku mana rikuwachkaptikikuqa? ¿Imapaqtaq ñakariymanku mana kaqpaqpas hapiwachkaptikikuqa? nispanku. Ayunasqaykichik punchawmi munasqaykichikta ruwakunkichik, llapallan llamkapakusuqnikichiktam chay punchawpi ñakarichinkichik.

Isaías 58:5

Qamkunaqa tanteankichik ayunoqa ñakarispa totora hina kumurayana kasqantam, qachqa pachawan pachakuruspa chay punchaw uchpapi wischurayana kasqantam. ¿Chaykuna ruwaytachu qamkuna ayunom ninkichik? ¿Chaykunata ruwaspachu Tayta Diospa agradoypaq ayuno punchawmi ninkichik?

Daniel 10:12

Chaymi niwarqa: Daniel, ama manchakuychu, qanmi Diosnikipa ñawpaqninpi sasallaña kaqkunata entiendeyta munarqanki, paypa ñawpaqninpi uchuychakusqaykiraykum chay punta kaq punchawmantaraq mañakusqaykita uyarispan kachamuwarqa.

Daniel 10:3

Manam miski mikuykuna-tapas nitaq aychatapas mikurqanichu. Vinotapas manam malliykurqanichu, nitaqmi miski asnaq aceitewanpas talli-kurqanichu, chay kimsa semana cumpli-kunankama.

Levítico 23:21

Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.

Levítico 23:3

Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.

Levítico 23:36

Qanchis punchawmi ñoqa Tayta Diosman kañasqa ofrendakunata ofrecewankichik, pusaq kaq punchawpiñataqmi ñoqallapaqña sapaqchasqa huñunakuyman qayaspa kañasqa ofrendata ofrecewankichik. Chay punchawpiqa fiestay kasqanraykum ama llamkankichikchu.

Levítico 25:9

Qanchis kaq killapa chunka punchawninpim otaq hucha pampachana punchawpim cornetata tocankichik. Chaytaqa nacionnikichikpim kuchun-kuchun ruwankichik.

Levítico 3:17

Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Números 29:7

Qanchis kaq killapa chunka kaq punchawninpim yupaychawanaykichikpaq hatun huñunakuyta ruwankichik, chay punchawpim ayunaspa uchuychakunkichik, amataqmi pipas llamkanqachu.

Hechos 27:9

Llumpaytaña unaruptiykum, ayuno fiesta pasaruptin lamar qochanta rinapaq llumpay sasaña kasqanrayku Pablo nirqa:

1~Corintios 11:31

Sichum sonqonchikta sumaqta tapukuptinchikqa Señorqa manam juzgawachwanchu.

Hebreos 4:10

Haykam Diospa samay qosqanman yaykuqkunaqa llamkayninkumantam samankuña, imaynam Diospas unanchasqankunata tukuruspan samasqanta hina.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.