Levítico 16:24 - CHUYA QELLQA La Biblia en Quechua de Ayacucho 2012

²⁴ Hinaspam carpapi bañakuspan pachakunqa, chaymantañam asuykamuwanqa. Lloqsimuspanñataqmi kikinmantawan llaqtanmanta lliw kañana animalta ofrecemuwanqa chaynataq hucharayku ofrendatapas. Chaynapim huchankuta pampachasaq.

Quechua Ayacucho Bible 1987

²⁴ Asuykuwananku karpapi bañakuruspanmi pachakurunqa hina sacerdote pachanwanña. Lloqsispanñataqmi kikinmantawan runakunamanta lliw kañana ofrendata kañapuwanqa hinaptinmi Aaronpa huchantawan runakunapa huchanta pampachasaq.

Chuya Qellqa 1992

²⁴ Hinaspam carpapi bañakuspan pachakunqa, chaymantañam asuykamuwanqa. Lloqsimuspanñataqmi kikinmantawan llaqtanmanta lliw kañana animalta ofrecemuwanqa chaynataq hucharayku ofrendatapas. Chaynapim huchankuta pampachasaq.

Levítico 16:24 Iomraidhean Croise

Éxodo 28:40

Aaronpa churinkunapaqpas tunicakunata, chumpikunata, mitrakunatam ruwanki, chaynapi ancha reqsisqa suma-sumaqllaña kanankupaq.

Éxodo 28:41

Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki.

Ezequiel 42:14

Sichum temploman sacerdotekuna yaykurunqaku hinaspaqa, servisqanku chuya pachata hurqokuspallam hawa patiomanqa lloqsinqaku, chay pachakunaqa Diosllapaqña sapaqchasqam. Runakunapa kasqanman lloqsinankupaqqa huk pachawanmi churakunqaku, nispa.

Levítico 14:9

Qanchis kaq punchawpim chukchanta, barbanta, cejasninkunata hinaspa lliw chukchankunatapas kachiy-kachiyta rutukunqa. Pachankunata taqsakuspam kikinpas bañakunqa, hinaspam chuyaña kanqa.

Levítico 16:25

Hinaspam altarpi hucharayku ofrenda wiratapas kañanqa.

Levítico 22:6

Pipas chaykunata llapcharuq runaqa tutaykuqkamam millakuypaq kanqa. Ñoqapaq sapaqchasqa kaqkunataqa manaraq bañakuchkaspaqa amam mikunqachu.

Levítico 9:7

Chaymantam Aaronta Moisés nirqa: Altarman asuykuspa hucharayku ofrendaykita chaynataq lliw kañanapaq animaltapas ofrecey, chaynapi huchaykipas chaynataq runakunapa huchanpas pampachasqa kananpaq. Runakunapa ofrendantapas ofreceytaq huchanku pampachasqa kananpaq, ofrecenkiqa Tayta Diospa kamachisqanman hinam, nispa.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.