Levítico 16:18 - CHUYA QELLQA La Biblia en Quechua de Ayacucho 2012

¹⁸ Aaronqa ñoqa Tayta Diospa qayllaypi altarta chuyanchananpaq lloqsinqa. Chaypaqmi malta toropa chaynataq chivatopa yawarninta apanqa, hinaspam altarpa llapallan waqrachankunata llusinqa.

Quechua Ayacucho Bible 1987

¹⁸ Aaronqa lloqsinqa ñoqa Tayta Diospa qayllaypi altarta chuyanchananpaq. Chaypaqmi apanqa malta toropatawan chivatopa yawarninta hinaspam llusinqa altarpa llapallan waqrachankunata.

Chuya Qellqa 1992

¹⁸ Aaronqa ñoqa Tayta Diospa qayllaypi altarta chuyanchananpaq lloqsinqa. Chaypaqmi malta toropa chaynataq chivatopa yawarninta apanqa, hinaspam altarpa llapallan waqrachankunata llusinqa.

Levítico 16:18 Iomraidhean Croise

Éxodo 30:10

Aaronmi watapi huk kutita altarpa tawan esquinanpi waqrachankunata yawarwan llusinqa. Chaynataqa ruwanqa hucha pampachanapaq wañuchisqanku animalpa yawarninwanmi; chay altarqa ñoqallapaqña sapaqchasqam kanqa.

Ezequiel 43:20

Chaymantam yawarninta asniqta hapiykuspa altarpa tawan waqrankunaman llusinki; llusinkitaqmi iskay kaq patakninpa tawan esquinankunamanpas hinaspa muyuriqnin patanmanpas; chaynatam chay altarta llapa runakunapa huchanmanta chuyanchanki.

Ezequiel 43:22

Paqarinnintin punchawñataqmi, hucharayku ofrenda kananpaq huk sano allin chivatota ofrecemuwanki; llapa sacerdotekunañataqmi imaynam malta torillowan ruwasqankuta hina ruwaspanku altarta chuyanchanqaku.

Ezequiel 45:19

Sacerdotem hucharayku ofrecewasqaykichik animalpa yawarninta chaskiykunqa, hinaspam templopa punkunpi pilarkunaman llusinqa, llusinqataqmi altarpa tawan esquinankunamanpas chaynataq templopa uku law pationpa punkunpa pilarninkunamanpas.

Levítico 16:16

Chaynatam Diosman asuykuna carpata chuyanchanqa Israelpa mirayninkunapa millakuypaq kayninkumanta, mana kasukusqankumanta hinaspa llapa huchankumanta. Hina chaynallatam santuariotapas chuyanchanqa, millakuypaq chawpinkupi kasqanrayku.

Levítico 16:17

Huchakuna pampachasqa kananpaq Diosman asuykuna carpaman Aarón yaykuptinqa, chay asuykuwananku carpapiqa amam pipas kanqachu, carpamanta Aarón lloqsimunankama. Kikinpa huchanta, ayllunkunapa huchankunata hinaspa Israelpa mirayninkunapa huchanta pampacharuptiyñam,

Levítico 4:18

Chay yawarllawantaqmi ñoqa-man asuykuna carpapi kaq ñoqa Tayta Diospa ñawpaqniypi altarpa waqra-chankunamanpas llusinqa. Puchuq yawartañataqmi kañana altarpa sikinman talliykunqa, chay altarqa kachkan ñoqaman asuykuna carpapa punkunpim.

Levítico 4:25

Chaymantam sacerdote hucha pampachanapaq wañuchisqa chivatopa yawarninman dedonta challpuykuspan kañana altarpa waqrachankunata llusinqa, puchuq yawartañataqmi hina chay altarpa sikinman talliykunqa.

Levítico 4:7

Hina chay sacerdotetaqmi miski asnaq incienso kañana altarpa waqra-chankunatapas chay yawarwan llusinqa. Chay altarqa ñoqa Tayta Diospa ñawpaqniypim kachkan ñoqaman asuykuna carpapi. Puchuq yawartañataqmi kañanapaq altarpa sikinman talliykunqa, chay altarqa ñoqaman asuykuna carpapa punkunpim kachkan.

Números 28:22

Huk chivatotam hucha pampachasqa kananpaq ofrecemuwankichik.

Juan 17:19

Paykunaraykum kikiypuni chuyanchakuni, chaynapi paykunapas cheqap palabraykiwan chuyanchakunankupaq.

Hebreos 2:11

Diosllapaqña runakunata sapaqchaq Jesuspas chaynataq sapaqchasqan runakunapas Diospa churillanmi kanku. Chayraykum Diospa Churin Jesuspas mana penqakunchu sapaqchasqankunataqa “wawqeykuna” niyta.