Levítico 15:5 - CHUYA QELLQA La Biblia en Quechua de Ayacucho 2012

⁵ Chay onqoqpa camanta tupaykuqqa pachankunata taqsakuspanmi bañakunqa, payqa tutaykuqkamam millakuypaq kanqa.

Quechua Ayacucho Bible 1987

⁵ —Chay onqoqpa camanta tupaykuqpas pachankunata taqsakuspanmi bañakunqa, payqa tutaykuqkamam mana asuykuwanmanchu.

Chuya Qellqa 1992

⁵ Chay onqoqpa camanta tupaykuqqa pachankunata taqsakuspanmi bañakunqa, payqa tutaykuqkamam millakuypaq kanqa.

Levítico 15:5 Iomraidhean Croise

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Isaías 22:14

Tukuy Atiyniyuq Tayta Diosmi rinrillaypi kaynata niykuwarqa: Kay mana allin ruwasqaykichikmantaqa manapunim pampachasqaykichikchu, huchaykichikpim wañunkichikpas, nispa. Tukuy Atiyniyuq Tayta Diosmi chaynata nin.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 36:29

Manaña imawanpas qanrachakunaykichikpaqmi waqaychasqaykichik. Trigotapas llumpayta ruruchiptiymi manaña huktawanqa yarqaymanta kanki-chikñachu.

Levítico 11:24

Chayna urukuna wañuruptin llapchaq runaqa tutaykunankamam millakuypaq kanqa.

Levítico 11:25

Pipas chay urukuna wañuruptin hoqariqqa pachantam taqsakunqa, hinaspam tutaykunankama millakuypaq kanqa.

Levítico 11:28

Chay animalkuna wañuruptin hoqariqqa pachantam taqsakunqa, hinaspam tutaykunankama millakuypaq kanqa, chay animalkunataqa millakuypaqmi hapinkichik.

Levítico 11:32

Chayna animalkuna wañuruspa imapas kullumanta ruwasqaman, pachaman, qaraman, costalman, otaq ima herramientamanpas wichiykuptinqa yakumanmi hinankichik, chaynapim tutaykunankama ama pipas hapinqachu, chaymantañam huktawan servikunqa.

Levítico 13:34

Qanchis kaq punchawpiñataqmi huktawan sacerdote chay carachata qawanqa, sichum chay caracha mana wiñaruptinqa hinaspa ukuniqman mana yaykuruptinqa sacerdotem chay runata chuyaña kasqanta ninqa. Chay runañataqmi pachanta taqsakuspan chuyaña kanqa.

Levítico 13:6

Qanchis punchawmantam huktawan qawanqa, sichum chay aychanpi isu chinkaypi rinqa hinaspa manaña wiñaptinqa, sacerdotem chay runata chuya kasqantaña ninqa; chay onqoyninqa siksipakuyllam. Chaynapim chay runaqa pachanta taqsakuspan chuyaña kanqa.

Levítico 14:27

Hinaspam alleq dedonta ichoq makinpi aceiteman challpuykuspan ñoqa Tayta Diospa ñawpaqniypi qanchis kutikama challanqa.

Levítico 15:18

Sichum qariwan warmi puñuruspa karuptinkuqa, iskayninkum bañakunqaku, hinaspam tutaykuqkama millakuypaq kanqaku.

Levítico 15:4

Qeya ispaywan onqoq runapa puñusqan camawan maypim tiyasqanpas millakuypaqmi kanqa.

Levítico 15:6

Qeya ispaywan onqoqpa tiyasqanpi tiyaykuqpas pachankunata taqsakuspanmi bañakunqa, hinaspanmi tutaykuqkama millakuypaq kanqa.

Levítico 16:26

Azazelman chivato pusaqpas pachanta taqsakuspanmi bañakunqa, hinaspañam campamentoman yaykunqa.

Levítico 16:28

Chay kañaq runapas pachantam taqsakunqa chaynataqmi cuerpontapas bañakunqa hinaspañam campamentomanqa yaykunqa.

Levítico 17:15

Israelpa mirayninkunamanta otaq huklaw llaqtayuqkunamanta, kikinmanta wañuq animalta otaq purun animalpa wañuchisqan animalta mikuruspaqa pachankunata taqsakuspanmi bañakunqa, hinaspam tutaykunankama millakuypaq kanqa, chaymantañam chuya kanqa.

Números 19:10

Uchpa hoqariqpas pachankunatam taqsakunqa, hinaspam tutaykunankama millakuypaq kanqa. Chayqa wiñaypaq kamachikuymi Israelpa mirayninkunapaq chaynataq qamkunawan yachaq huklaw llaqtayuqkunapaqpas kanqa.

Números 19:22

Millakuypaq kaq runapa imapas llapchasqanqa millakuypaqmi kanqa, millakuypaq kaq runata llapchaqpas tutaykunankamam millakuypaq kanqa, nispa.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

1~Samuel 20:26

Chay punchawqa manam Davidmanta Saúl tapukurqachu, aswanmi yuyaymanaspa nirqa: Ima mana allintachá ruwarun chaycha mana chuyanchakusqanrayku mana hamunchu, nispa.