Levítico 14:10 - CHUYA QELLQA La Biblia en Quechua de Ayacucho 2012

¹⁰ Pusaq kaq punchawpiñataqmi iskay sano malta carnerokunatawan huk watayuq sano ovejata apamunqa, apamunqataqmi aceitewan chapusqa soqta kilo parten fino harinatapas, chayqa kawsaykunamanta ofrendam chaynataq cuarto litro masnin aceitetapas.

Quechua Ayacucho Bible 1987

¹⁰ Pusaq kaq punchawmanñataqmi pusamuwanqa iskay sano malta carnerokunata, pusamuwanqataqmi huk watayoq sano ovejatapas. Apamuwanqataqmi aceitewan chapusqa soqta kilo parten fino harinatapas, chayqariki kawsaykunamanta ofrendam, apamuwanqataqmi cuarto litro masnin aceitetapas.

Chuya Qellqa 1992

¹⁰ Pusaq kaq punchawpiñataqmi iskay sano malta carnerokunatawan huk watayuq sano ovejata apamunqa, apamunqataqmi aceitewan chapusqa soqta kilo parten fino harinatapas, chayqa kawsaykunamanta ofrendam chaynataq cuarto litro masnin aceitetapas.

Levítico 14:10 Iomraidhean Croise

Éxodo 29:40

Chay carnerotawan kuskatam iskay kilo harinata ofrecenki, chay harinataqa aceitunasta chamchaspa hurqosqa aceitewanmi chapunki, hinaspam huk litro vinota tallinki.

Levítico 1:10

Pipapas ovejamanta otaq cabramanta ofrendan kaptinqa, orqon kaqtam chaynataq sanon kaqtam apamuwanqa;

Levítico 1:3

Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 14:11

Chaymi lepranmanta chuyanchakuq runata ofrendankunatawan kuskata sacerdote pusamunqa ñoqapa qayllayman, Dios-man asuykuna carpapa punkunman.

Levítico 14:12

Hinaspam huknin malta carnerota hapiykuspan kuyuchispa cuarto litro masnin aceiteyuqta ofrecewanqa, chayqa ñoqa Tayta Diosman ofrecewananku culparayku ofrendam.

Levítico 14:15

Chaymantam aceiteta sacerdote hapiykuspan ichoq makinpa pampanman talliykunqa,

Levítico 14:21

Chay onqoq runa wakcha kasqanrayku qollqen mana haypaptinqa huk malta carnerotam pusamuwanqa culparayku ofrecewananpaq, chayqa huchakuna pampachasqa kananpaq ofrendam, chaytawan kuskatam ofrecewanqa aceitewan chapusqa iskay kilo masnin fino harinatapas, chayqa kawsaykunamanta ofrendam. Ofrecewanqataqmi cuarto litro masnin aceitetapas,

Levítico 2:1

Pipas kawsaykunamanta ofrendata apamuspaqa, fino harinatam apamuwanqa, chaymanñataqmi aceitetawan inciensota tallinqa.

Levítico 2:11

Ñoqa Tayta Diosman kawsaykunamanta ofrendata ofrecewaspaykichikqa amam levadurataqa hinankichikchu, nitaqmi mieltapas kañapuwankichikchu.

Levítico 2:13

Kawsaykunamanta llapallan ofrendataqa kachichasqatam apamunki, tukuy ofrenda apamusqaykipiqa amam kachiqa pisinqachu, chay kachiqa Diosnikiwan pacto ruwasqaykim.

Levítico 23:13

Apa-muwankichiktaqmi aceitewan chapusqa tawa kilo parten harinatapas, chaynapi ñoqapaq miski asnaq ofrenda kananpaq. Apamuwankichiktaqmi Tallina ofrendapaq huk litro vinotapas.

Levítico 4:32

Sichum chay runa huchanmanta apamunqa ovejakunamanta ofrendata, hinaspaqa sano ovejatam apamunqa.

Levítico 9:1

Pusaq kaq punchawpim Aarontawan churinkunata chaynataq Israel casta ancianokunata Moisés qayarqa.

Números 28:20

Sapa toromanmi aceitewan chapusqa soqta kilo fino harinata yapankichik, huk carneromanñataqmi tawa kilo harinata,

Números 6:14

Chaypim ñoqa Tayta Diosman lliw kañana huk watayuq sano carnerota ofrecemuwanqa, huk watayuq sano ovejatañataqmi huchamanta ofrendata ofrecemuwanqa. Ofrecemuwanqataqmi ñoqawan allinlla kasqanmanta carnero ofrendatapas.

Números 7:43

Paypas ofrecerqa punta ofreceqkunapa ofrendanta hinallam.

Mateo 8:4

Chaymi Jesús nirqa: Amam pimanpas willakunkichu, aswanqa sacerdoteman rispaykim paykunawan qawachikamunki, hinaspam sanoña kasqaykimanta yachanankupaq Moisespa kamachisqanman hina ofrendata qomunki, nispa.

Marcos 1:44

Amam pimanpas willakunkichu, aswanqa sacerdotewan qawachikamuspam Moisespa kamachisqanman hina sanoña kasqaykimanta Diosman ofrendata qomunki, chaynapi sanoña kasqaykita lliw yachanankupaq, nispa.

Lucas 5:14

Chaymi Jesús nirqa: Amam pimanpas willakunkichu, aswanqa sacerdoteman rispaykim paywan qawachikamunki, hinaspam sanoña kasqaykita yachanankupaq ofrendata qomunki Moisespa kamachisqanman hina, nispa.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 6:33

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

1~Pedro 1:19

aswanqa Cristom pagarqa precioyuq chuyay-chuyay yawarninwan, chayqa karqa sanoy-sanoy carneropa yawarnin hinam.