Levítico 13:45 - CHUYA QELLQA La Biblia en Quechua de Ayacucho 2012

⁴⁵ Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.

Quechua Ayacucho Bible 1987

⁴⁵ —Pipas lepra onqoyniyoq runaqa purinqa llikipakusqa pachayoqmi chaynataq tampa umam. Payqa siminta pañuelowan tapakuykuspanmi qayakunqa: “¡Leprawanmi onqochkani! ¡Leprawami onqochkani!” nispa.

Chuya Qellqa 1992

⁴⁵ Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.

Levítico 13:45 Iomraidhean Croise

Génesis 37:29

Rubenñataqmi chay pozoman kutispa Joseyta manaña tarispan, llakimanta pachankunata llikipakurqa.

2~Samuel 13:19

Chaymi Tamarqa uchpata umanman machqekuykuspan suma-sumaq pachantapas llikiparuspan, umanta makinwan hapikuykuspan qaparispa waqastin pasakurqa.

2~Reyes 7:3

Llaqtapa punkunpa hawa lawninpim lepra onqoyniyuq tawa runakuna kachkarqaku. Paykunam ninakurqaku: ¿Imatataq kaypi ruwanchik wañuyta suyaspanchikqa?

Jobwan Sutichasqa Libro 1:20

Chaymi Jobqa llakikuymanta hatarispan pachanta llikipakurqa, hinaspam chukchantapas rutukuruspan pampaman qonqoranpa kumuykuspan Diosta hatunchaspan

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Isaías 52:11

¡Babilonia llaqtamanta utqayman lloqsiychik, millakuypaq kaqkunataqa ama llapchaychikchu! ¡Paykunapa chawpinmanta lloqsiychik, Diospa servicionkunata apaqkuna chuyanchakuychik!

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 36:24

Chay palabrakunata uyarichkaspapas manam reypas nitaq serviqninkunapas manchayllapas mancharikurqakuchu, nitaqmi pachankutapas llikiparqakuchu.

Lamentaciones 4:15

Paykunatam runakuna nirqaku: “¡Kaymanta anchuychik, qamkunaqa millay runakunam kankichik, ama llapchawaykuchu! ¡Manam ñoqaykuwanqa yachawaqchikchu!” nispanku.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Ezequiel 24:22

Hinaptinmi qamkunapas ñoqapa ruwasqayta hina ruwankichik: Llakimantaqa manam uyaykichiktapas tapakunkichikchu, nitaqmi chayna punchawkunapi mikuytapas mikunkichikchu.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Levítico 13:44

chay runaqa leprawanmi onqochkan, chay runaqa millakuypaqmi kachkan. Sacerdotem chay runata millakuypaqña kasqanta ninqa.

Levítico 21:10

Sumo sacerdoteqa sapaqchasqa pachawan pachakunanpaq umanman aceitewan tallispa sapaqchasqam karqa, chayraykum llakipi kasqanta qawachikunanpaqqa ama chukchantapas kacharinqachu nitaq pachantapas llikipakunqachu.

Miqueas 3:7

Profetakunapas penqaypim tarikunqaku, adivinaqkunapas muspaypi hinañam rimanqaku. Tayta Diosmanta mana imatapas chaskisqankuraykum siminkutapas wichqarunqaku.

Números 5:2

Israelpa mirayninkunata kamachiy, leprawan onqoqkunata, qeya ispaywan onqoq qarikunata, wañuqpa ayan llapcharuqkunata campamentomanta qarqonankupaq.

Lucas 17:12

Huk llaqtaman chayaruptinmi leprawan onqoq chunka runakuna taripaykurqaku. Paykunam karullamanta,

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.