Levítico 12:3 - CHUYA QELLQA La Biblia en Quechua de Ayacucho 2012

³ Chay wawatam nacesqanmanta pusaq punchawniyuqta qari kayninpa qarachanta ku-chuspa señalanqaku.

Quechua Ayacucho Bible 1987

³ Chay wawatam nacesqanmanta pusaq punchawninpi qari kaychanpi señalanqaku.

Chuya Qellqa 1992

³ Chay wawatam nacesqanmanta pusaq punchawniyuqta qari kayninpa qarachanta kuchuspa señalanqaku.

Levítico 12:3 Iomraidhean Croise

Éxodo 22:30

Vacaykikunapa chaynataq ovejaykikunapa punta kaq wawankunatapas qowankim; nacesqanmantam qanchis punchaw mamanwan kanqa, pusaq punchawmanñataqmi ñoqaman qowanki.

Levítico 12:4

Chay wawapa mamanñataqmi kimsa chunka kimsayuq punchawpi yawarninmanta chuyanchakunqa. Chuyanchakunan punchaw tukunankamam ama Diospaq sapaqchasqa kaqkunata llapchanqachu. Amataqmi santuariomanpas yaykunqachu.

Levítico 15:3

Chay onqoywan kaq runaqa ispakuyta atispa otaq mana atispapas millakuypaqmi kanqa.

Lucas 1:59

Pusaq punchawninmanmi wawata señalachinankupaq aparqaku, hinaptinmi taytan Zacariaspa sutinwan sutichayta munarqaku.

Lucas 2:21

Pusaq punchawninmanmi wawata señalarqaku qari kayninpa qarachanta kuchuspa, hinaspam Jesuswan suticharqaku, imaynam Mariaman manaraq wiksayakuchkaptin angelpa nisqanman hina.

Hechos 15:1

Chay punchawkunapim wakin runakuna Judeamanta Antioquia-man rispanku, llapa iñiqkunata kaynata yachachirqaku: Moisespa kamachisqanman hina mana señalachikuspaykichikqa manam salvakuyta atiwaqchikchu, nispanku.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

Gálatas 3:17

Kaynatam niyta munaykichik: Diosqa Abrahamwan pactota ruwaspanqa cumplinanpaqmi prometekurqa. Chayraykum tawa pachak kimsa chunka watamantaña Moisesman ley qosqanqa, Diospa ñawpaq prometekusqantaqa mana yanqachanmanchu.

Gálatas 5:3

Huktawanmi nimuykichik: Pipas judío hina señalachikuqqa munay mana munaymi llapallan leykunata kasukunan.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Filipenses 3:5

Nacesqaymanta pusaq punchawninmanmi qari kayniypi señalawarqaku, Benjamín ayllumanta kaq Israelpa castanmi kani, tayta-mamaymantapunim hebreo rimaq kani. Leyman hinañataqmi fariseo karqani.

Colosenses 2:11

Paypi kasqaykichikraykum qarikaynikichikpi señalasqaña rikurirunkichik, ichaqa manam makiwanchu, aswanqa Diospunim Cristopi señalarusunkichik, chaywanmi huchallikuqllaña kaynikichikta wischurun.