Levítico 11:8 - CHUYA QELLQA La Biblia en Quechua de Ayacucho 2012

⁸ Chay animalkunapa aychantaqa amam mikunkichikchu, wañuruptinpas amam llapchayllapas-llapchaykunkichikchu. Chay animalkunataqa millakuypaqtam hapinkichik.

Quechua Ayacucho Bible 1987

⁸ —Chaynaqa amamá mikunkichikchu chay animalkunapa aychantaqa, amataqmi wañusqa kaptinpas tupayllapas-tupaykunkichikchu. Chaykunataqa amamá mikunkichikchu.

Chuya Qellqa 1992

⁸ Chay animalkunapa aychantaqa amam mikunkichikchu, wañuruptinpas amam llapchayllapas-llapchaykunkichikchu. Chay animalkunataqa millakuypaqtam hapinkichik.

Levítico 11:8 Iomraidhean Croise

Isaías 52:11

¡Babilonia llaqtamanta utqayman lloqsiychik, millakuypaq kaqkunataqa ama llapchaychikchu! ¡Paykunapa chawpinmanta lloqsiychik, Diospa servicionkunata apaqkuna chuyanchakuychik!

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Levítico 11:7

Kuchitaqa amam mikunkichikchu, kuchiqa pallqa situyuq kaspapas mana kutipaqmi. Chay animaltaqa millakuypaq animalpaqmi hapinkichik.

Levítico 11:9

Yakupi kawsaq animalkunamantaqa, lamar qochapi kaqta otaq mayupi kaqtapas, haykam raprayuq hinaspa escamayuq challwakunallatam mikunkichik; mana escaman kaptinqa amam mikunkichikchu, hatun kaptin otaq taksa kaptinpas.

Levítico 5:2

Pipas millay kaqkunata llapcharuqqa, mana mikuna animalpa ayanta, wañusqa uywa animalpa ayanta, qasqonpa puriq animalpa ayanta llapcharuspanqa qachachakurunmi, mana yachastinña ruwaruspapas huchayuqmi kanqa.

Mateo 15:11

Manam imapas mikusqanchu runataqa huchallichin, aswanqa mana allinkuna rimasqanmi, nispan.

Mateo 15:20

Tukuy chaykunam runataqa huchallichin, manam makinta mana mayllakuspa mikusqanchu, nispa.

Marcos 7:15

Manam imapas hawamanta yaykuqchu runataqa huchallichin, runataqa huchallichin sonqonmanta lloqsimuqmi.

Marcos 7:18

Hinaptinmi Jesusñataq nirqa: ¿Qamkunapas manachu entiendenkichik? ¿Manachu yachankichik imapas hawamanta yaykuqqa runata mana huchallichisqanta?

Marcos 7:2

Paykunam Jesuspa wakin discipulonkunata makinkuta mana mayllakuspa mikuchkaqta rikurur-qaku, chayraykum paykunapa contranpi rimarqaku.

Hechos 10:28

Chaymi paykunata Pedro nirqa: Qamkunaqa yachankichikmi judiokunaqa mana judío kaqkunawanqa manam hukllawakuymankuchu, manataqmi wasinmanpas yaykuymankuchu leyniyku harkawasqankurayku. Ichaqa Diosmi qawaykachiwan amaña pitapas “kayqa millakuypaqmi otaq huchasapa runam” nispa ninaypaq.

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

1~Corintios 8:8

Manam mikus-qanchikraykuchu Diosqa chaskiwanchik, manam mikusqanchikwanchu allin-qa kasunchik, nitaqmi mana mikusqanchikwanchu mana allinqa kasunchik.

2~Corintios 6:17

Señorqa nintaqmi: “Paykuna ukumantayá lloqsiychik, paykunamantayá sapaqchakuychik, amayá millakuypaq kaqkunataqa hapiychikchu. Hinaptinqa qamkunataqa chaskisqaykichikmi.

Efesios 5:11

Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Efesios 5:7

Amayá paykunapa mana allin ruwaqmasinqa kaychikchu.

Colosenses 2:16

Chaynaqa, amayá pipas rimaku-sunkichikchu: Imam mikusqaykichikmanta, tomasqaykichikmanta, fiestakuna ruwaymanta, watanpi otaq killanpi fiestakuna ruwaymanta, samana punchawpi samanamanta.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.