Levítico 11:44 - CHUYA QELLQA La Biblia en Quechua de Ayacucho 2012

⁴⁴ Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Quechua Ayacucho Bible 1987

⁴⁴ Ñoqam kani yupaychasqaykichik Tayta Dios, qamkunaqa ñoqapaqyá sapaqchakuychik hinaspayá chuyanchakuychik ñoqapas chuya kasqayrayku. Pampan puriq taksa animalkunata llachpaspaqa amayá millakuypaqqa kaychikchu.

Chuya Qellqa 1992

⁴⁴ Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 11:44 Iomraidhean Croise

Éxodo 16:12

Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Éxodo 19:6

Qamkunam sacerdoteykuna kankichik, ñoqallataña serviwanaykichikpaq sapaqchasqa llaqta”. Chaynatam Israelpa mirayninkunaman willamunki, nispa.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 22:30

Vacaykikunapa chaynataq ovejaykikunapa punta kaq wawankunatapas qowankim; nacesqanmantam qanchis punchaw mamanwan kanqa, pusaq punchawmanñataqmi ñoqaman qowanki.

Éxodo 22:31

Qamkunaqa ñoqallapaqña sapaqchasqa runakunam kankichik, chayraykum aycha mikuq purun animalkunapa wañuchisqan animalpa aychantaqa ama mikunkichikchu, chay aychataqa allqokunamanmi wischuykunkichik.

Éxodo 23:25

Ñoqa Tayta Diosllatam yupaychawankichikqa, hinaptinmi mikunaykitawan yaku tomanaykita bendecisaq. Onqoykunatapas ñoqam qanmanta wischusaq.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Levítico 11:43

Amayá chay animalkunata mikuspa otaq wañuruptin llapchaspa kikillaykichikqa millakuypaqta ruwakuychikchu.

Levítico 19:10

Uvasta pallachispapas amam maskapachinkichu nitaqmi wichisqankunatapas pallapankichu, chaykunataqa wakcha-kunapaqwan huklaw llaqtayuqkunapaqmi saqenki. Ñoqa Tayta Diosmi Diosnikichik kani.

Levítico 19:3

Tayta-mamaykichikta sapakama kasukuychik. Samana punchawkunapipas samankichikmi. Ñoqaqa Tayta Diosmi kani.

Levítico 19:4

Amam idolokunataqa yupaychankichikchu, amataqmi metalkunata chulluchispapas dioskunataqa ruwakunkichikchu. Ñoqaqa Tayta Diosmi kani.

Levítico 20:26

Qamkunaqa chuyayá kaychik ñoqa Tayta Diospas chuya kasqayrayku, ñoqam wakin nacionkunamanta sapaqcharqaykichik ñoqallapaqña kanaykichikpaq.

Levítico 20:7

Chuyanchakuspayá ñoqallapaqña sapaqchakuychik, ñoqa Tayta Diosmi Diosnikichik kani.

Levítico 21:8

Chaynaqa, ñoqallapaqña sapaqchay, paykunaqa ñoqa Diosmanmi tantata ofrecewanku, paykunataqa chuyapaqmi hapinki, chaynataqa ruwanki qamkunata chuyanchaq ñoqa Tayta Diospas chuya kasqayraykum.

Amós 3:3

¿Yaqachu iskay runakuna kuska purinmanku imapipas mana huk sonqolla kachkaspanku?

Números 15:40

Chay kipuyuq qaytukunata qawaspaykichikmi kasukunaykichikpaq kamachikuyniykunata yuyarinkichik, chaynapim ñoqallapaqña sapaqchasqa kankichik.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 22:11

Mana allin ruwaqqa mana allintaraqyá ruwachkachun, millakuypaq ruwaqpas millakuypaq kaqtaraqyá ruwachkachun, allin kaqkuna ruwaqñataqyá allin kaqkunataraq ruwachun, chuyanchakuqpas Diosllapaqñayá chuyanchakuchun, nispa.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.

1~Samuel 6:20

Hinaptinmi Bet-semes llaqtayuqkuna nirqaku: ¿Pitaq sayaykunman chuya Tayta Diospa ñawpaqninpi? ¿Maymantaq apachichuwan kay Arcanta? nispanku.