Levítico 11:40 - CHUYA QELLQA La Biblia en Quechua de Ayacucho 2012

⁴⁰ Chay wañusqa animalpa aychanta mikuqqa pachanta taqsakuspanmi tutaykunankama ama asuykamuwanqachu, chay wañuruq animalta hoqariqpas pachantam taqsakunqa hinaspam tutaykunankama millakuypaq kanqa.

Quechua Ayacucho Bible 1987

⁴⁰ Chay wañusqa animalpa aychanta mikuqpas pachanta taqsakuspanmi tutaykunankama mana asuykuwanqachu, chay wañuruq animal hoqariqpas pachantamá taqsakunqa hinaspam tutaykunankama mana asuykuwanqachu.

Chuya Qellqa 1992

⁴⁰ Chay wañusqa animalpa aychanta mikuqqa pachanta taqsakuspanmi tutaykunankama ama asuykamuwanqachu, chay wañuruq animalta hoqariqpas pachantam taqsakunqa hinaspam tutaykunankama millakuypaq kanqa.

Levítico 11:40 Iomraidhean Croise

Éxodo 22:31

Qamkunaqa ñoqallapaqña sapaqchasqa runakunam kankichik, chayraykum aycha mikuq purun animalkunapa wañuchisqan animalpa aychantaqa ama mikunkichikchu, chay aychataqa allqokunamanmi wischuykunkichik.

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 4:14

Chaymi ñoqañataq nirqani: Dios Taytalláy, ñoqaqa manam haykapipas kayna millakuypaq kaqkunataqa mikurqanichu. Kikillanmanta wañuq animalpa aychantawan purun animalpa tisapasqan aychata hinaspa millakuypaq aychakunataqa manam haykapipas mikurqanichu, warma kasqaymantapas manam simiymanqa chayarqachu, nispay.

Ezequiel 44:31

Sacerdotekunaqa amam mikunqakuchu kikillanmanta wañuruq animalkunataqa alton pawaq kaptinpas otaq ima animal kaptinpas; amataqmi mikunqakuchu purun animalkunapa puchuntapas.

Levítico 11:25

Pipas chay urukuna wañuruptin hoqariqqa pachantam taqsakunqa, hinaspam tutaykunankama millakuypaq kanqa.

Levítico 11:28

Chay animalkuna wañuruptin hoqariqqa pachantam taqsakunqa, hinaspam tutaykunankama millakuypaq kanqa, chay animalkunataqa millakuypaqmi hapinkichik.

Levítico 11:39

Mikunapaq animalnikichikmanta mayqanninpas wañuruptinqa, chay wañusqata tupaykuqmi tutaykunankama millakuypaq kanqa.

Levítico 14:46

Chay wasi wich-qasqa kachkaptin pipas yaykuqqa tutay-kuqkamam millakuypaq kanqa.

Levítico 15:15

Sacerdoteñataqmi hukninta huchamanta ofrendata hina ofrecewanqa, huknintañataqmi lliw kañanata hina. Chaynatam ñoqa Tayta Diospa qayllaypi chay qeya ispaywan kaq runata sacerdote chuyanchanqa.

Levítico 15:27

Pipas chaykunata tupaykuqqa mi-llakuypaqmi kanqa, pachanta taqsa-kuspanmi bañakunqa, hinaspam tutay-kuqkama millakuypaq kanqa.

Levítico 16:26

Azazelman chivato pusaqpas pachanta taqsakuspanmi bañakunqa, hinaspañam campamentoman yaykunqa.

Levítico 16:28

Chay kañaq runapas pachantam taqsakunqa chaynataqmi cuerpontapas bañakunqa hinaspañam campamentomanqa yaykunqa.

Levítico 22:6

Pipas chaykunata llapcharuq runaqa tutaykuqkamam millakuypaq kanqa. Ñoqapaq sapaqchasqa kaqkunataqa manaraq bañakuchkaspaqa amam mikunqachu.

Levítico 22:8

Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Números 19:19

Chuya kaq runam kimsa kaq punchawpi chaynataq qanchis kaq punchawpi chay millakuypaq kaq runaman challanqa. Qanchis kaq punchawpi chuyancharuptinmi pachankunata taqsakuspan bañakunqa. Ichaqa tutaykunankamam millakuypaq kanqa.

1~Corintios 10:21

Señorpa copanmanta tomachkaspaqa manam demoniokunapa copanmantaqa tomawaqchikchu, nitaqmi Señorpa mikunanmanta mikuchkaspapas demoniokunapa mikunanmantaqa mikuwaqchikchu.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Deuteronomio 14:21

Kikillanmanta wañuruq animaltaqa amapunim mikunkichikchu. Chayku-nataqa llaqtaykichikpi yachaq huklaw llaqtayuqkunamanmi mikunanpaq qoy-kunkichik, manachayñataqmi puriqku-naman rantikurunkichik. Señornikichik Tayta Diospaq sapaqchasqa runankunañam qamkunaqa kankichik. Cabra uñataqa amam mamanpa lechenpiqa yanunkichikchu.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.