Levítico 11:39 - CHUYA QELLQA La Biblia en Quechua de Ayacucho 2012

³⁹ Mikunapaq animalnikichikmanta mayqanninpas wañuruptinqa, chay wañusqata tupaykuqmi tutaykunankama millakuypaq kanqa.

Quechua Ayacucho Bible 1987

³⁹ —Mikunapaq kaq animalnikichikmanta mayqanninpas wañuruptinqa, chay wañusqata tupaykuqmi tutaykunankama mana asuykuwanqachu.

Chuya Qellqa 1992

³⁹ Mikunapaq animalnikichikmanta mayqanninpas wañuruptinqa, chay wañusqata tupaykuqmi tutaykunankama millakuypaq kanqa.

Levítico 11:39 Iomraidhean Croise

Ezequiel 4:14

Chaymi ñoqañataq nirqani: Dios Taytalláy, ñoqaqa manam haykapipas kayna millakuypaq kaqkunataqa mikurqanichu. Kikillanmanta wañuq animalpa aychantawan purun animalpa tisapasqan aychata hinaspa millakuypaq aychakunataqa manam haykapipas mikurqanichu, warma kasqaymantapas manam simiymanqa chayarqachu, nispay.

Levítico 11:24

Chayna urukuna wañuruptin llapchaq runaqa tutaykunankamam millakuypaq kanqa.

Levítico 11:28

Chay animalkuna wañuruptin hoqariqqa pachantam taqsakunqa, hinaspam tutaykunankama millakuypaq kanqa, chay animalkunataqa millakuypaqmi hapinkichik.

Levítico 11:31

Chaynaqa, chay pampan puriq animalkunamantam chaykunata millakuypaq hapinkichik. Chay animalkuna wañuruptin llapcharuqqa tutaykunankamam millakuypaq kanqa.

Levítico 11:38

nuyusqa muhupa hawanman wichiykuptinmi ichaqa, chay muhuqa mana servikuqña kanqa.

Levítico 11:40

Chay wañusqa animalpa aychanta mikuqqa pachanta taqsakuspanmi tutaykunankama ama asuykamuwanqachu, chay wañuruq animalta hoqariqpas pachantam taqsakunqa hinaspam tutaykunankama millakuypaq kanqa.

Levítico 14:46

Chay wasi wich-qasqa kachkaptin pipas yaykuqqa tutay-kuqkamam millakuypaq kanqa.

Levítico 15:15

Sacerdoteñataqmi hukninta huchamanta ofrendata hina ofrecewanqa, huknintañataqmi lliw kañanata hina. Chaynatam ñoqa Tayta Diospa qayllaypi chay qeya ispaywan kaq runata sacerdote chuyanchanqa.

Levítico 15:5

Chay onqoqpa camanta tupaykuqqa pachankunata taqsakuspanmi bañakunqa, payqa tutaykuqkamam millakuypaq kanqa.

Levítico 15:7

Pipas qeya ispaywan onqoqta llapcharuqqa, pachanta taqsakuspanmi bañakunqa, hinaspam tutaykunankama millakuypaq kanqa.

Levítico 16:26

Azazelman chivato pusaqpas pachanta taqsakuspanmi bañakunqa, hinaspañam campamentoman yaykunqa.

Levítico 17:15

Israelpa mirayninkunamanta otaq huklaw llaqtayuqkunamanta, kikinmanta wañuq animalta otaq purun animalpa wañuchisqan animalta mikuruspaqa pachankunata taqsakuspanmi bañakunqa, hinaspam tutaykunankama millakuypaq kanqa, chaymantañam chuya kanqa.

Levítico 22:4

Chaynaqa, Aaronpa mirayninkunamanta pipas lepra onqoywan otaq qeya ispaywan kaspaqa amam ñoqapaq sapaqchasqa kaqkunataqa mikunqachu, mikunqakuqa chuyanchakuruspañam. Manataqmi mikunmanchu runapa ayan llapcharuqpas, puñuchkaptin qari kayninmanta muhun kikillanmanta lloqsiptinpas,

Levítico 22:6

Pipas chaykunata llapcharuq runaqa tutaykuqkamam millakuypaq kanqa. Ñoqapaq sapaqchasqa kaqkunataqa manaraq bañakuchkaspaqa amam mikunqachu.

Levítico 22:8

Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.

Números 19:11

Wañusqa runapa ayanta llapchaq runaqa qanchis punchawmi millakuypaq kanqa.

Números 19:16

Pipas chaychaypi kachkaspan, espadawan wañuchisqa runapa ayanta, kikillanmanta wañuruqpa ayanta, ayapa tullunta otaq sepulturanta llapcharuq runaqa qanchis punchawmi millakuypaq kanqa.

Números 19:7

Chay sacerdotem pachankunata taqsakuspan kikinpas bañakunqa, hinaspañam campamentoman kutiykunqa. Payqa tutaykunankamam millakuypaq kanqa.