Levítico 10:6 - CHUYA QELLQA La Biblia en Quechua de Ayacucho 2012

⁶ Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Quechua Ayacucho Bible 1987

⁶ Moisesmi nirqa Aaronta chaynataq Aaronpa churin Eleazartawan Itamartapas kaynata nispan: —Amam mana ñaqchasqaqa kankichikchu, amataqmi pachaykichiktapas llikipankichikchu lutokusqaykichikta qawachikunaykichikpaqqa, chaynata ruraspaqa wañuruwaqchikmi, Tayta Diospa piñakuyninqa chayarunmantaqmi llapa huñunasqa runakunamanpas. Aylluykichikmantaqa waqanqaku llapallan Israelpa castankunam, chaynatamá llakikunqaku Tayta Diospa kañarusqanmanta.

Chuya Qellqa 1992

⁶ Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Levítico 10:6 Iomraidhean Croise

2~Samuel 24:1

Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

Esdras 7:5

Buquim karqa Abisuapa churin, Abisuañataqmi Fineespa, Fineesñataqmi karqa Eleazarpa churin. Eleazarmi karqa punta kaq sacerdote Aaronpa churin.

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Éxodo 6:23

Aaronmi casarakurqa Aminadabpa churin hinaspa Naasonpa panin Elisabetwan. Paymi wachakurqa Nadabta, Abiuta, Eleazarta hinaspa Itamarta.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Levítico 13:45

Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.

Miqueas 1:16

Jerusalenpi yachaqkuna, wawa-churikichikmanta qaparkachaspa barbaykichikta rutukuychik, ullachku hina paqla uma kanaykichikkama umaykichiktapas ruturachikuychik, ancha kuyasqaykichik wawa-churikichikmi karu llaqtakunaman preso apasqa kanqaku.

Números 1:53

Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Números 14:6

Josueywan Calebpas llakimantam pachankuta llikipakurqaku. Paykunaqa allpata qawaq riqkunapa partenmi karqaku.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 18:5

Qamkunallam santuariotawan altartaqa nanachikunkichik, chaynapim Israelpa mirayninkunapa contranpi manaña piñakusaqñachu.

Números 20:25

Chay-naqa, Moisés, Aarontawan churin Elea-zarta Hor orqoman pusay.

Números 5:18

Sacerdotem chay warmita ñoqa Tayta Diospa qayllaypi sayaykachispan chukcha watakusqanta paskarunqa, hinaspam hapiykachinqa celosrayku hucha yuyarina kawsaykunamanta ofrendata. Sacerdotepa makinpiñataqmi ñakay apamuq qatqe yaku kanqa.

Deuteronomio 33:9

Paymi tayta-mamanmanta nirqa: “Manam haykapipas rikurqanichu”, nispa. Wawqenkumantañataqmi nirqa: “Manam reqsinichu”, nispa. Churinkunatapas manam reqsirqachu. Paykunaqa nisqaykitam kasukurqaku, pactoykitam ruwayman churarqaku.

Josué 22:18

¿Allinpaqchu hapinkichik Tayta Diosmanta rakikuruyta? Sichum kunan Tayta Diospa contranpi hatariptikichikqa, paypas piñakuruspanmi Israelpa mirayninkunata castigarunqa.

Josué 22:20

Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.