Levítico 10:2 - CHUYA QELLQA La Biblia en Quechua de Ayacucho 2012

² Chaymi Tayta Diospa qayllanmanta lenwachkaq nina lloqsiramuspan paykunata ruparurqa, chaynapim Tayta Diospa qayllanpi wañururqaku.

Quechua Ayacucho Bible 1987

² Chaymi Tayta Diospa qayllanmanta lenguachkaq nina lloqsiramuspan paykunata ruparurqa chaynapim Tayta Diospa qayllanpi wañururqaku.

Chuya Qellqa 1992

² Chaymi Tayta Diospa qayllanmanta lenwachkaq nina lloqsiramuspan paykunata ruparurqa, chaynapim Tayta Diospa qayllanpi wañururqaku.

Levítico 10:2 Iomraidhean Croise

2~Samuel 6:7

Hinaptinmi Uzapaq Tayta Dios llumpayta piñakururqa mana manchakuspa ruwasqanrayku. Chaymi Uza chayllapi wañururqa.

1~Reyes 13:28

ayata ñanpi chutarayachkaqta tarirurqa, asnotawan leontañataqmi chay ayapa waqtanpi sayachkaqta. Leonqa manam chay ayata mikusqachu nitaqmi asnotapas imanasqachu.

1~Reyes 18:38

Hinaptinmi Tayta Diospa ninan wichiykamuspan ruparurqa torota, yantata, rumikunata hinaspa allpatapas, muyuriqnin yarqapi yakutapas chakirachirqam.

2~Reyes 1:10

Chaymi chay pichqa chunka soldadokunapa capitanninta Elías nirqa: Sichum Diospa profetan kaptiyqa, hanaq pachamanta nina uraykamuspa qamtawan pichqa chunka runaykikunata rupasunkichik, nispa. Hinaptinmi hanaq pachamanta nina uraykamuspan chay capitantawan pichqa chunka runankunata ruparurqa.

2~Reyes 1:12

Chaymi Elías nirqa: Sichum Diospa profetan kaptiyqa, hanaq pachamanta nina uraykamuspayá qamtawan pichqa chunka runaykikunata rupasunkichik, nispa. Hinaptinmi hanaq pachamanta nina uraykamuspan chay capitantawan pichqa chunka runankunata ruparurqa.

1~Crónicas 13:10

Chaymi Uzapa contranpi Tayta Dios piñakururqa, Arcata makinwan hapirusqanrayku, chaynapim Diospa qayllanpi wañururqa.

1~Crónicas 15:13

Puntata apamuptiyku qamkuna mana apamusqaykichikraykum Señorninchik Tayta Dios wakiqninchikta wañurachirqa, chaynataqa ruwarqa Tayta Diospa kamachikuyninman hina mana ruwasqanchikraykum, nispa.

1~Crónicas 24:2

Nadabwan Abiuqa manaraq churiyuq kachkaspankum taytankumanta puntata wañukurqaku, chaymi Eleazarwan Itamarña sacerdotekuna karqaku.

Jobwan Sutichasqa Libro 1:16

Manaraqpas chay runa willakuyta tukuchkaptinmi huk runapas chayaramuspan nirqa: Rayo wichiykamuspanmi llapa ovejakunatawan llapa michiqkunata kañarun. Ñoqallañam lluptiramuni qanman willanaypaq, nispa.

Éxodo 24:1

Moisestam Tayta Dios nirqa: Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Levítico 10:5

Chaymi asuykuspanku tunicankumanta hurqoramurqaku, hinaspam Moisespa kamachisqanman hina campamentomanta hawaman aparurqaku.

Levítico 16:1

Aaronpa iskaynin qari churinkuna Tayta Diosman asuykuspa wañurusqankumanta qepatam, Moisesta Tayta Dios nirqa:

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Números 16:35

Tayta Diospa qayllanmanta nina rikuriramuspanñataqmi chay incienso qontichiq iskay pachak pichqa chunka runakunata ruparurqa.

Números 16:49

Chay punchawpim chunka tawayuq waranqa qanchis pachaknin runakuna wañururqaku. Coreywan wañuqkunaqa manam chay wañuqkunawan yupasqachu karqaku.

Números 26:61

Nadabwan Abium ichaqa, Tayta Diospa mana kamachisqanman hina inciensota qontichisqankurayku wañururqaku.

Hechos 5:10

Chayta niykuptillanmi Safiraqa Pedropa ñawpaqninman wichiykuspan wañururqa. Chaymi jovenkuna yaykuspanku wañusqataña tariykurqaku, hinaspam aparqaku qosanpa waqtanpi pampamunankupaq.

Hechos 5:5

Chayta uyariruspanmi Ananías pampaman wichiykuspa wañururqa. Chaymi llapallan uyariqkuna anchallataña mancharikururqaku.

1~Corintios 10:11

Tukuy chaykunam ñawpaq taytanchikkunata pasarqa, ejemplonchik kananpaq, chaykunam qellqasqa karqa qepa tiempokunapi yuyayta hapispa allinta kawsananchikpaq.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.