Levítico 10:19 - CHUYA QELLQA La Biblia en Quechua de Ayacucho 2012

¹⁹ Hinaptinmi Aarón nirqa: Kunanmi paykuna ofrecerunku Tayta Diosman hucha pampachanapaq kaq ofrendatawan lliw kañana ofrendata. Ñoqataqa kaynakunaqa ñam pasawanña, chaynaqa, sichum ñoqa mikuruyman karqa chay hucha pampachanapaq kaq ofrendata hinaptinqa Tayta Dios ¿chaskiwanmanraqchu karqa? nispa.

Quechua Ayacucho Bible 1987

¹⁹ Hinaptinmi Aaronñataq nirqa: —Kunanmi Tayta Diosman paykuna presentarunku hucha pampachanapaq kaqtawan lliw kañanapaq kaqta. Ñoqataqa kaykunaqa pasaruwanñam, chaynaqa sichu ñoqa mikuruyman karqa chay hucha pampachanapaq kaqta hinaptinqa Diosqa ¿chaskiwanmanraqchu karqa? —nispa.

Chuya Qellqa 1992

¹⁹ Hinaptinmi Aarón nirqa: Kunanmi paykuna ofrecerunku Tayta Diosman hucha pampachanapaq kaq ofrendatawan lliw kañana ofrendata. Ñoqataqa kaynakunaqa ñam pasawanña, chaynaqa, sichum ñoqa mikuruyman karqa chay hucha pampachanapaq kaq ofrendata hinaptinqa Tayta Dios ¿chaskiwanmanraqchu karqa? nispa.

Levítico 10:19 Iomraidhean Croise

Isaías 1:11

Tayta Diosmi nin: ¿Imapaqtaq valen achkallaña animalkuna wañuchipuwasqaykichik? Amiruniñam carnerokunapa malta torokunapa wiran kañapuwasqaykichiktapas, carnerokunapa chivatokunapa yawarnin chaqchusqaykichiktapas millakuruniñam.

Isaías 1:15

Makikichikta hoqarispa mañakamuwaptikichikpas qamkunamantam ñawiyta asurichini. Maynataña mañakamuwaptikichikpas manam uyarisqaykichikchu. Makikichikpas yawarwan qachachasqam kachkan.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 6:20

¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Oseas 9:4

Tayta Diosmanqa vino ofrendatapas manañam tallinqakuñachu, sacrificio kañasqankupas millakuypaqmi kanqa, ñakariy tantatam mikunqakupas, pipas chayta mikuqqa millakuypaqmi kanqa, kawsanallankupaqñam mikunqakupas, chay mikuyta Tayta Diosman ofreceptinkupas manam chaskinqachu.

Levítico 10:20

Chayta uyariruptinmi Moisespa sonqon chayraq tiyaykurqa.

Levítico 9:12

Aaronqa wañuchirqataqmi lliw kañanapaq animaltapas, hinaptinmi yawarta churinkuna apamurqaku, chaymi altarpa waqtankunaman Aarón challarqa.

Levítico 9:8

Chaymi altarman Aarón asuykurqa, hinaspam malta torota wañuchispan hu-chan pampachasqa kananpaq ofrecerqa.

Malaquías 1:10

¡Ima allinraq kanman templopa punkunta hukkaqnikichik wichqaruptinqa, chaynapi amaña pipas yanqapaq altarniypi ninata ratachinanpaq! Manañam qamkunawanqa kusisqañachu kani, nitaqmi ofrendaykichiktapas chaskisqaykichikñachu.

Malaquías 1:13

Ninkichiktaqmi: ¡Mayna amiruypaqñam kaykunaqa! Chaynata nispam despreciawankichik. Hinaspam suwasqa animalkunata, wistu animalkunata, onqosqa animalkunata apamuwaspa kusikusqaytaraq piensankichik. Chaynaqa, ¿yaqachum chaykunata chaskisqaykichik? Tayta Diosmi chaynata nin.

Malaquías 2:13

Chaywanpas qamkunaqa chayna runamantapas mastaraqmi ruwanki-chik: Qamkunaqa Diospa altarnintapas weqekichikwan nuyuchispam qaparis-paraq waqankichik. Chaynataqa ruwan-kichik ofrenda apamusqaykichikta Tukuy Atiyniyuq Tayta Dios manaña chaskisuptikichikmi.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 26:14

Sapaqchasqay diezmokunamantaqa, ima llakipiña kaspaypas chaynataq qanman mana asuykamunaypaq hina kaspaypas manam mikukurqanichu, manataqmi wañuqkunamanpas ofrecerqanichu. Yupaychasqay Dios Taytalláy, tukuy kamachiwasqaykita kasukuspaymi ruwarqani.

Filipenses 4:4

Señorninchikwan huklla kaspayá tukuy tiempo kusikuychik, huktawanraqmi nikichik: Kusikuychikyá, nispa.

Hebreos 7:27

Wakin Sumo sacerdotekunaqa puntatam kikinkupa huchankumantaraq sapa punchaw kañanankupaq animalta wañuchiqku, chaymantañam llaqtapa huchanmantaqa. Jesusmi ichaqa huk kutillata wiñaypaq ofrecekurqa.

Hebreos 9:8

Chayna kasqanraykum Chuya Espiritupa yachachisqanpi hinapas Chuyay-chuyay lugarqa manaraq kichasqachu karqa, chaynaqa karqa chay Chuya lugarqa hinallaraq kasqanraykum.