Levítico 10:1 - CHUYA QELLQA La Biblia en Quechua de Ayacucho 2012

¹ Aaronpa churin Nadabwan Abiu-ñataqmi sapakama incienso qontichinankuta hapiykuspanku chayman ninatawan inciensota hinaykurqaku, hinaspam Tayta Diospa qayllanpi, mana paypa kamachisqanman hinachu qontichirqaku.

Quechua Ayacucho Bible 1987

¹ Aaronpa churin Nadabwan Abiuñataqmi sapakama incienso qontichinankuta hapiykuspanku chayman hinaykurqaku ninatawan inciensota hinaspam Tayta Diospa qayllanpi qontichirqaku mana paypa kamachisqanman hina.

Chuya Qellqa 1992

¹ Aaronpa churin Nadabwan Abiuñataqmi sapakama incienso qontichinankuta hapiykuspanku chayman ninatawan inciensota hinaykurqaku, hinaspam Tayta Diospa qayllanpi, mana paypa kamachisqanman hinachu qontichirqaku.

Levítico 10:1 Iomraidhean Croise

1~Reyes 18:38

Hinaptinmi Tayta Diospa ninan wichiykamuspan ruparurqa torota, yantata, rumikunata hinaspa allpatapas, muyuriqnin yarqapi yakutapas chakirachirqam.

Éxodo 24:1

Moisestam Tayta Dios nirqa: Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku.

Éxodo 24:9

Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas;

Éxodo 27:3

Ruwankitaqmi uchpa hoqarina mankankunatapas, palankunatapas, tazonninkunatapas, trinchenkunatapas hinaspa ninapaq kallanankunatapas. Chay serviciokunaqa lliwmi broncemanta kanqa.

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 31:11

ñoqallapaqña sapaqchanapaq tallina aceiteta, “Chuya” lugarpaq miski asnaq inciensotapas. Chaykunataqa ruwanqaku qanman kamachisqayman hinam, nispa.

Éxodo 37:29

Bezaleelqa ruwarqataqmi Diospaq sapaqchaspa tallinapaq aceitetawan miski asnaq inciensotapas, chaykunataqa ruwarqa perfumekuna ruwaqpa ruwasqanta hinam.

Éxodo 38:3

Ruwarqataqmi uchpa hoqarina mankankunatapas, palankunatapas, tazonninkunatapas, trinchenkunatapas chaynataq ninapaq kallanankunatapas. Chay serviciokunataqa lliwtam broncemanta ruwarqa.

Éxodo 40:27

Chaypa hawanpim miski asnaq inciensota kañarqa imaynam Moisesman Tayta Diospa kamachisqanman hina.

Éxodo 6:23

Aaronmi casarakurqa Aminadabpa churin hinaspa Naasonpa panin Elisabetwan. Paymi wachakurqa Nadabta, Abiuta, Eleazarta hinaspa Itamarta.

Éxodo 8:27

Chayraykum chunniqman kimsa punchaw puriyta risaqku, hinaspam Tayta Diospaq sacrificiokunata ofrecespa yupaychamusaqku, chaynataqa ruwamusaqku paypa niwasqankuman hinam, nispa.

Jeremías 19:5

Qamkunam Baal idolokunapaq altarkunata ruwarqankichik, chay altarkunapim churikichikkunata kañaspa Baalman ofrecerqankichik. Chaykuna ruwaytaqa manam kamachirqaykichikchu, nitaqmi piensarqanichu.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 44:15

Hinaptinmi warminkupa idolokunaman incienso kañasqankuta yachaq qarikunapas, chaypi tarikuq warmikunapas, chayman huñunakamuqkunapas chaynataq Egipto nacionpi Patros lawpi yachaqkunapas, Jeremiasta kaynata nirqaku:

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Levítico 16:1

Aaronpa iskaynin qari churinkuna Tayta Diosman asuykuspa wañurusqankumanta qepatam, Moisesta Tayta Dios nirqa:

Levítico 16:12

Chaymantañataqmi ñoqa Tayta Diospa qayllaypi kaq altarmanta nina sansayuq incienso qontichinata hurqoykunqa, hapiykunqataqmi miski asnaq kutasqa inciensotapas iskay aptayta, hinaspam carpapi velopa qepanman apaykunqa.

Levítico 22:9

Chaynaqa, kay kunasqaykunata kasukuchunku, chaynapi ama huchalli-kunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Números 16:46

Moisesmi Aaronta nirqa: Altarmanta sansata qontichinaman churaspa inciensota hinaspayki chaylla runakunapa kasqanman kallpaspa huchankuta pampachananpaq Tayta Diosta mañakamuy. Tayta Diosmi sinchita piñakurun, chaymi runakuna wañuyta qallaykunkuña, nispa.

Números 26:61

Nadabwan Abium ichaqa, Tayta Diospa mana kamachisqanman hina inciensota qontichisqankurayku wañururqaku.

Números 4:18

Leví ayllumanta kaq Coatpa mirayninkunataqa amam qollurachinkichikchu.

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 17:3

chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu.

Deuteronomio 4:2

Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.