Levítico 1:5 - CHUYA QELLQA La Biblia en Quechua de Ayacucho 2012

⁵ Hina kikinmi chay toropa kunkanta ñoqapa qayllaypi kuchunqa, hinaptinmi Aaronpa miraynin sacerdotekunañataq yawarninta apamuspa altarpa muyuriqninman challanqaku. Chaykunatam ñoqaman asuykuna carpapa punkunpi ruwanqaku.

Quechua Ayacucho Bible 1987

⁵ Hina kikintaqmi kuchurunqa uña toropa kunkantaqa ñoqapa qayllaypi hinaptinmi Aaronpa miraynin sacerdotekunañataq yawarninta apamuspan challanqaku altarpa muyuriqninman. Chaykunatam ruranqaku ñoqaman asuykuna karpapa punkunpi.

Chuya Qellqa 1992

⁵ Hina kikinmi chay toropa kunkanta ñoqapa qayllaypi kuchunqa, hinaptinmi Aaronpa miraynin sacerdotekunañataq yawarninta apamuspa altarpa muyuriqninman challanqaku. Chaykunatam ñoqaman asuykuna carpapa punkunpi ruwanqaku.

Levítico 1:5 Iomraidhean Croise

2~Crónicas 35:11

Chaynatam Pascua fiestapaq animalkunata wañuchirqaku; llapa levitakuna nakaspanku yawarta haywaptinkum sacerdotekunañataq altarman challarqaku.

Éxodo 29:11

Hinaspam carpapa punkunpi ñoqapa ñawpaqniypi chay malta torota wañuchinki.

Éxodo 29:16

Chay carnerotam wañuchispayki yawarninta chaskinki, hinas-pam altarpa muyuriqninman challanki.

Éxodo 40:6

Sacrificiokunata kañanapaq altartañataqmi carpapa punkunpa ñawpaqninpi churanki.

Isaías 52:15

chaypim achka nacionkunapas hukmanyanqakuraq, reykunapas qawaykuspankum mana ima rimaytapas atinqakuchu, mana haykapipas rikusqankutam rikunqaku, mana haykapipas uyarisqankutam entiendenqaku.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 43:18

Chaymantam niwarqa: Runapa churin, ñoqa Tayta Diosmi kaynata niki: Altar ruwananku tiempo chayaramuptinmi kay kamachikuyman hina ruwanqaku: Altarpa hawanpim lliw kañanapaq huk animalta ofrecewanqaku, hinaspam kay altarta yawarwan challanqaku.

Levítico 1:11

hinaspanmi ñoqa Tayta Diospa qayllaypi, altarpa norte lawninpi kuchunqa. Aaronpa miraynin sacerdotekunañataqmi chay animalpa yawarninwan altarpa muyuriqninta challanqaku.

Levítico 1:15

Hinaptinmi sacerdote chay raprayuq animalta, altarpi ofrecewanqa. Umanta wiptiruspanmi altarpa hawanpi kañanqa, yawarnintañataqmi altarpa perqanman sutuchinqa.

Levítico 16:15

Chaymantam chivatota wañuchinqa llaqtapa huchankunamanta ofrecewananpaq, yawarnintañataqmi carpapi velopa qepanman apaykunqa, hinaspam tapapa hawanman chaynataq tapapa ñawpaqninman challanqa, imaynam malta toropa yawarninwan ruwasqanta hina.

Levítico 17:11

Animalpa vidanqa yawarninpim kachkan. Ñoqam kamachirqaykichik chay yawarta altarman apaptikichik huchaykichikta pampachanaypaq. Chay yawarwanmi huchaykichikta pampachaspay vidaykichikta librasaq.

Levítico 3:13

Ofrecewaqniymi chay animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, Aaronpa churin sacerdotekunañataqmi chay animalpa yawarninta tukuy altarman challanqaku.

Levítico 3:2

Chay ofrecewaqniymi puntata animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, hinaptinmi Aaronpa miraynin sacerdotekuna chay animalpa yawarninwan altarta challanqaku.

Levítico 3:8

chay ofrecewaqniymi puntata animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, hinaptinmi Aaronpa churin sacerdotekunañataq chay animalpa yawarninwan altarta challanqaku.

Levítico 4:29

Hinaspam chay animalpa umanman makinta churaykunqa, chaymantañam chay cabrata wañuchinqa kañanapaq wañuchinanku sitiopi.

Levítico 4:33

Hinaspam chay animalpa umanman makinta churaykunqa huchan pampachasqa kananpaq, chaymantañam chay animalta kañanapaq sitiopi wañuchinqa, chaynapi huchan pampachasqa kananpaq.

Levítico 4:7

Hina chay sacerdotetaqmi miski asnaq incienso kañana altarpa waqra-chankunatapas chay yawarwan llusinqa. Chay altarqa ñoqa Tayta Diospa ñawpaqniypim kachkan ñoqaman asuykuna carpapi. Puchuq yawartañataqmi kañanapaq altarpa sikinman talliykunqa, chay altarqa ñoqaman asuykuna carpapa punkunpim kachkan.

Miqueas 6:6

¿Imawantaq Diospa qayllanman asuykusaq? ¿Imawantaq ancha hatun Diosta yupaychasaq? ¿Lliw kañana sacrificiowanchu qayllanman asuykusaq? ¿Huk watayuq torokunawanchu asuykusaq?

Números 18:17

Vacapa, ovejapa hinaspa cabrapa punta wawankunataqa ñoqapaq sapaqchasqa kasqankuraykum ama kutichikunqakuchu. Chay animalkunatam wañuchispayki yawarninta altarman chaqchunki, wirankunatañataqmi kañanki ñoqa Tayta Diospaq miskillaña asnariq ofrenda kananpaq.

Hebreos 10:11

Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Samuel 1:25

Torillota altarpi ofreceykuspanmi, sacerdote Eliyman warmata qoykurqaku.