Levítico 1:3 - CHUYA QELLQA La Biblia en Quechua de Ayacucho 2012

³ Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Quechua Ayacucho Bible 1987

³ —Sichu vacakunamanta lliw kañanapaq ofrendan kaptinqa sumaqnin sano torota qowaspanmi ñoqaman asuykuna karpapa punkunpi presentawanqa.

Chuya Qellqa 1992

³ Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 1:3 Iomraidhean Croise

Génesis 22:13

Chaymi Abraham qawaykacharikuspan qepanpi rikururqa huk carnero waqranmanta chaprapi arwikusqata. Chay carnerota hapispam Abraham wañuchirqa churinpa rantinpi kañananpaq.

Génesis 22:2

Chaymi Dios nirqa: Moriah lawman riy kuyasqayki sapallan churiki Isaacta pusarikuspa, chaypi payta kañaspa ofrecemuway, ñoqam nisqayki mayqan orqopim ruwanaykitapas, nispa.

Génesis 22:8

Abrahamñataqmi nirqa: Churilláy, Diosmi sacrificiopaq carnerotaqa churamunqa, nispa. Hinaspam kuskanku rirqaku.

Génesis 8:20

Chaymantam huk altarta Tayta Diospaq Noé ruwapurqa, hinaspam sacrificanapaq kaq llapallan animalmanta, pawaq animalkunamanta chaynataq pampan puriqkunamantapas wañuchispa lliw kañana ofrendata Diosman chay altarpi ofrecerqa.

2~Crónicas 29:32

Lliw kañanapaq animalkuna apamusqankum karqa qanchis chunka torokuna, pachak carnerokuna hinaspa iskay pachak malta carnerokuna. Tukuy chaykunam karqa Tayta Diosman lliw kañana sacrificiota ofrecenankupaq.

2~Crónicas 35:12

Chaymantam lliw kañanapaq animalkunata hapiykuspanku, sapa llaqtapi runakunaman ayllunkuman hina rakinarqaku, Moisespa kamachisqanman hina Tayta Diosman ofrecenankupaq; llapa torokunawanpas chaynallatam ruwarqaku.

Éxodo 12:5

Chay animalqa carnero kaspapas otaq chivato kaspapas, huk watayuq orqo sano animalmi kanqa.

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Éxodo 29:18

Hinaspam altarpa hawanpi lliwchata kañanki, chaytaqa kañanki ñoqa Tayta Diospaq miski asnaq ofrenda kasqanraykum.

Éxodo 29:4

Aarontawan churinkunatañataqmi ñoqa-man asuykuna carpapa punkunman asuykachimunki, hinaspam bañachinki.

Éxodo 29:42

Chay kañasqa ofrendatam lliw miraynikichik mana tipiyta ruwanqaku, chaytaqa ruwanqaku ñoqapa qayllaypim, asuykuwananku carpapa punkunpi; chaypi tupaptinchikmi rimapayasqayki.

Éxodo 32:6

Chaymi paqarinnintin tutapayta hatarispanku, sacrificiokunata ruwaspanku, Dioswan allinlla kasqankumanta ofrendakunata ofrecerqaku. Chaymantam llapa runakuna tiyaykuspanku mikuspa tomarqaku, hinaspam aychankuta kusichirqaku.

Éxodo 35:21

Chaymantam tukuy sonqomanta Tayta Diosman ofrenda qoqkuna ofrendankuta apamurqaku, chaynapi Diosman asuykuna carpata, tukuy servicionkunata hinaspa Diosta servina pachakunata ruwanankupaq.

Éxodo 35:29

Israelpa mirayninkunam, qaripas warmipas tukuy sonqonkumanta llapa imata apamurqaku, Moisesta Tayta Diospa kamachisqanman hina ruwanankupaq. Tayta Diosmami Tukuy sonqomanta ofrendankuta apamurqaku.

Éxodo 35:5

Tayta Diospaq ofrendata huñuychik, tukuy sonqomantam Señorpaq apamunkichik: Qorita, qollqeta, bronceta,

Éxodo 36:3

Paykunam Moisesmanta Israelpa mirayninkunapa lliw ofrenda apamusqankuta chaskirqaku, chaywan carpapi serviciokunata ruwanankupaq. Israelpa mirayninkunaqa hinallam ofrendankuta sapa punchaw apamuqku.

Éxodo 38:1

Bezaleelqa ofrenda kañana cuadrado altartapas acacia tablamantam ruwarqa, tawan lawninmi iskay metro cuartonkama karqa, sayayninñataqmi huk metro cuarton karqa.

Isaías 1:11

Tayta Diosmi nin: ¿Imapaqtaq valen achkallaña animalkuna wañuchipuwasqaykichik? Amiruniñam carnerokunapa malta torokunapa wiran kañapuwasqaykichiktapas, carnerokunapa chivatokunapa yawarnin chaqchusqaykichiktapas millakuruniñam.

Ezequiel 20:40

Israelpa llapallan mirayninkunam sapaqchakusqay hatun orqopi, Israelpa kaq hatun orqonpi yupaychawankichik. Chaypim ofrendaykichikkunatawan primiciaykichikkunata chaynataq tukuy ima sapaqchapuwasqaykichiktapas chaskisqaykichik. Ñoqa Tayta Diosmi chaynata nini.

Ezequiel 40:39

Chay yaykuna corredorpim tawa mesakuna kasqa, kaylaw-waklawpi iskay; chaypa hawanpim lliw kañana sacrificiopaq, hucha pampachana ofrendapaq chaynataq hucharayku ofrendapaq animalkunata nakasqaku.

Levítico 1:10

Pipapas ovejamanta otaq cabramanta ofrendan kaptinqa, orqon kaqtam chaynataq sanon kaqtam apamuwanqa;

Levítico 14:10

Pusaq kaq punchawpiñataqmi iskay sano malta carnerokunatawan huk watayuq sano ovejata apamunqa, apamunqataqmi aceitewan chapusqa soqta kilo parten fino harinatapas, chayqa kawsaykunamanta ofrendam chaynataq cuarto litro masnin aceitetapas.

Levítico 16:7

Chay iskaynin chivatokunatam asuykuwananku carpapa punkunpi ñoqa Tayta Diosman ofrecewanqa.

Levítico 17:4

hinaspañataq chay nakasqanta ñoqa Tayta Diospa santuarioypa punkunpi ofrecewananpaq mana apamunqachu, hinaspaqa yawar chaqchusqanmantam huchayuq kanqa. Chayraykum chay runaqa llaqtamanta chinkachisqa kanqa.

Levítico 17:8

Israelpa miraynin kaspa otaq huklaw llaqtayuq kaspapas lliw kañana otaq wakin ofrendatapas

Levítico 17:9

ñoqa Tayta Diosman ofrecewananpaq asuykuwananku carpaman mana apamuspaqa, llaqtamanta chinkachisqam kanqa.

Levítico 23:12

Chay gavilla ofre-cewasqaykichik punchawtaqmi huk watayuq sano carnerotapas ñoqa Tayta Diospaq lliwta kañapuwankichik.

Levítico 23:18

Tantakunatawan kuskatam huk watayuq qanchis sano carnerokunata apamuwankichik, huk malta torota chaynataq iskay carnerotapas ñoqapaq lliw kañasqa kanankupaq. Chaykunaqa ñoqa Tayta Diospaq miski asnaq kañasqa ofrendam kanqa. Chaykunawan kuskatataqmi kawsaykunamanta ofrendatapas chaynataq vinotapas apamuwankichik.

Levítico 3:1

Pipas ñoqawan allinlla kasqanmanta vacakunamanta otaq torokunamanta wañuchipuwananpaq ofrendan kaptinqa, chay animalqa sanom kanan.

Levítico 4:15

Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.

Levítico 4:23

Chaynaqa, chay huchanta pipas reqsiykachiptinmi huk sano chivato ofrendata apamunqa.

Levítico 4:3

Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.

Levítico 4:32

Sichum chay runa huchanmanta apamunqa ovejakunamanta ofrendata, hinaspaqa sano ovejatam apamunqa.

Levítico 5:15

Sichum pipas mana yachastin ñoqapaq chuya kaqkunata mana qowaqniy runaqa ñoqa Tayta Diospa contraypim huchallikurun, sayachipuwananpaqmi sano carnero ofrendata apamuwanqa. Chay carneropa preciontam santuariopi pesoman hina churankichik.

Levítico 5:18

Chaynaqa, huchanmantam sacerdoteman huk sano carnerota apamunqa, qamñataqmi chay carneropa precionta churanki. Hinaptinmi sacerdoteñataq ofrecewanqa huchallikuqpa mana yachastin huchallikusqanmanta, chaynapim huchan pampachasqa kanqa.

Levítico 6:2

Pipas runamasinta engañaspa imapas churachikusqanta otaq prestasqanta hapikuykuq runaqa ñoqa Tayta Diospa contraypim huchallikurun. Contraypitaqmi huchallikurun imapas waqaychachikusqanta hapikuykuq runaqa, suwakuq runaqa, negociopi engañakuq runaqa,

Levítico 6:8

Moisestam Tayta Dios nirqa:

Levítico 7:16

Sichum pipapas prometekusqan cumplinanpaq ofrenda kanqa otaq voluntadninmanta ofrendan hinaptinqa chay punchawmi mikunqa, puchuruptinñataqmi paqarinnintin punchaw mikunqa.

Levítico 8:18

Chaymantam kañanapaq carnerota aparachimurqa, hinaptinmi Aaronwan churinkuna chay carneropa umanman makinkuta churaykurqaku.

Levítico 8:21

Chaymantam carneropa chunchulninkunatawan piernankunata mayllarqa, hinaspam altarpi llapallanta kañarurqa. Chayqa Tayta Diospaq miskillaña asnariq lliw kañasqa ofrendam. Chaytaqa ruwarqa Tayta Diospa kamachisqanman hinam.

Levítico 9:2

Hinaspam Aaronta nirqa: Hucha pampachana ofrendapaqmi huk sano malta torota pusamunki, pusamunkitaqmi lliw kañana sacrificiopaq sano carnerotapas, Tayta Diosman ofrecenaykipaq.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Malaquías 1:14

Ñoqa Tayta Diosman prometekuwachkaspan, kanchanpi allinnin orqo animalninkuna kachkaptin onqoq animalta kañapuwaqniy runaqa ñakasqayá kachun. Ñoqaqa Tukuy Atiyniyuq Reymi kani, llapallan nacionkunapa yupaychananmi kani. Tukuy Atiyniyuq Tayta Diosmi chaynata nin.

Números 15:3

torokunata otaq ovejatam lliw kañana sacrificiota ofrecemuwankichik. Chaykunaqa kanmanmi prometewasqaykichik ofrendakunapas, kikikichikmanta qosqaykichik ofrendakunapas, otaq fiestakunapi ofrecewanaykichik ofrendakunapas. Chaykunam kanqa ñoqa Tayta Diospaq miskillaña asnaq ofrendakuna.

Números 15:8

Sichum huk torota lliw kañana sacrificiopi ñoqa Tayta Diosman ofrecewaspaykichikqa otaq prometewasqaykichik ofrendapaq, otaq ñoqawan allinlla kasqaykichikmanta ofrendapaq ofrecewaspaykichikqa,

Números 19:2

Ñoqa Tayta Diosmi kaynata kamachini: Israelpa mirayninkunata niy sumaqnin sano puka vacata apamunankupaq, chay vacaqa mana haykapipas yugo churkusqam kanan.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Números 23:27

Chaymi rey Balac nirqa: Huklawman hakuchik, ichapas Dios munanman chaymanta ñakaykapuwanaykita, nispa.

Números 23:3

Chaymantam rey Balacta Balaam nirqa: Ofrecesqayki animalpa ladonpi sayaykuchkay. Ñoqañataqyá rirusaq, ichapas Tayta Dioswan tuparamuyman, nispa. Hinaspanmi chunniq orqoman qespirqa.

Números 23:30

Chaynapim Balaampa tukuy kamachisqanta rey Balac ruwarqa, hinaspam huk torotawan huk carnerota wañuchispa sapa altarpi ofrecerqa.

Números 28:11

Sapa killapa qallariyninpim ñoqa Tayta Diosman iskay malta torokunata, huk carnerota hinaspa watayuq qanchis sano carnerokunata ofrecemuwankichik.

Números 28:19

Ñoqa Tayta Diosmanmi lliw kañana sacrificiota iskay malta torota, huk carnerota chaynataq watayuq qanchis carnerokunata ofrecemuwankichik. Chay animalkunaqa sanokamam kanqa.

Números 28:31

Sapa punchaw lliw kañana sacrificiota ofrecewachkaspapas, tukuy chaykunatam kawsaykunamanta ofrendayuqta hinaspa tallinapaq vinoyuqta ofrecemuwankichik. Chay animalkunaqa sanokamam kanqa, nispa.

Números 29:13

Fiestapa qallariynin punchawpim chunka kimsayuq malta torokunata, iskay carnerokunata hinaspa watayuqkama chunka tawayuq carnerokunata lliw kañana sacrificiota ofrecemuwankichik, chaykunam ñoqa Tayta Diospaq miskillaña asnariq ofrenda kanqa; chay animalkunaqa sanokamam kanqa.

Números 29:2

Chay fiestapim, ñoqa Tayta Diosman huk malta torota, huk carnerota hinaspa watayuq qanchis carnerokunata lliw kañana sacrificiota ofrecemuwankichik. Chaykunam ñoqa Tayta Diospaq miskillaña asnariq ofrenda kanqa, chay animalkunaqa sanokamam kanqa.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Juan 1:36

Hinaspanmi chayninta Jesús pasachkaqta rikuruspan nirqa: “Qawaychik, paymi Diospa Corderonqa”, nispa.

Juan 10:7

Jesusmi huktawan nirqa: Cheqaptapunim nikichik, ñoqam ovejakunapa yaykunan punku kani.

Juan 10:9

Ñoqam punku kani, pipas ñoqantakama yaykuqqa salvasqam kanqa. Yaykunqam, hinaspam lloqsinqa, pastokunatapas tarinqataqmi.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

2~Corintios 9:7

Sapakamayá sonqonpi tanteasqanman hina qochun, amayá llakikuspachu nitaq obligasqa hinachu, Diosqa kusikuywan qoqtam kuyan.

Efesios 2:18

Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.

Efesios 5:27

Chaynataqa ruwarqa iñiqkunata kancharichkaqta hina kikinman pusaykunanpaqmi, paykunaqa kanan manam qachachasqachu, qapichusqachu nitaq chayman rikchakuqchu, paykunaqa kanan payllapaqña kawsaspa mana imaniraqpas huchayuqmi.

Deuteronomio 12:27

Chay-pim Señornikichik Tayta Diospa altar-ninpi animalkunata wañuchispa ofrece-munkichik, yawarnintañataqmi altarpa waqtanman tallinkichik, aychantam ichaqa mikunkichik.

Deuteronomio 15:21

Sichum chay sapaqchasqayki animal, ñawsapas, weqrupas otaq imaynapas kaptinqa, amam Señornikichik Tayta Diosmanqa ofrecenkichu.

Deuteronomio 17:1

Señornikichik Tayta Diosman ofrecespaqa sano torotawan sano ovejatam ofrecenkichik, mana chayna kaspanqa Señornikichik Tayta Diospa millakusqanmi.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.