Levítico 1:17 - CHUYA QELLQA La Biblia en Quechua de Ayacucho 2012

¹⁷ Sacerdoteñataqmi raprankunamanta hapiykuspan iskayman chitqarunqa, ichaqa amam iskaymanqa rakinarunqachu, hinaspanmi altarpi kañanqa. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Quechua Ayacucho Bible 1987

¹⁷ Raprankunamanta sacerdote hapiykuspanmi iskayman chitqarunqa ichaqa amam pasaypaqtachu partirunqa, chaytaqa altarpa hawanpimá kañanqa. Chay ofrendaqa lliw kañanapaq animalmi hinaspapas ñoqapaq miskillaña asnariq ofrendam.

Chuya Qellqa 1992

¹⁷ Sacerdoteñataqmi raprankunamanta hapiykuspan iskayman chitqarunqa, ichaqa amam iskaymanqa rakinarunqachu, hinaspanmi altarpi kañanqa. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:17 Iomraidhean Croise

Génesis 15:10

Chaymi Abramqa chay animalkunata apamuspan chawpimanta iskayman chitqarurqa, hinaspam sapakamata chimpapurata churarqa, palomatawan kullkutam ichaqa mana chitqarqachu.

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Levítico 1:13

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañaspa ofrecewanqa, chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 2:2

Chay ofrendataqa Aaronpa miraynin sacerdotekunamanmi apanqa, hinaptinmi sacerdoteñataq chay fino harina ofrendamanta huk aptayta hurqospan altarpi kañanqa. Chay ofrendaqa yuyarinapaq ofrendam hinaspa ñoqapaq miskillaña asnariq kañana ofrendam.

Levítico 3:5

tukuy chaykunatam Aaronpa churin sacerdotekuna altarpi kañanqaku, yantapa hawanpi lliw kaña ofrendatawan kuskata. Chay ofrendaqa ñoqapaq miskillaña asnariq ofrendam.

Levítico 5:8

Chaykunatam sacerdoteman apamunqa, hinaptinmi payñataq hucha pampachanapaq kaqta puntata ofrecewanqa, sacerdotem chay pawaq animalpa kunkanta qewirunqa ichaqa umanta mana wiptiruspalla,

Levítico 6:14

Kaymi kawsay ofrendakunamanta yachachikuy: Aaronpa miraynin sacerdotekunam altarman apamuspanku ñoqa Tayta Diosman ofrecewanqaku.

Levítico 8:21

Chaymantam carneropa chunchulninkunatawan piernankunata mayllarqa, hinaspam altarpi llapallanta kañarurqa. Chayqa Tayta Diospaq miskillaña asnariq lliw kañasqa ofrendam. Chaytaqa ruwarqa Tayta Diospa kamachisqanman hinam.

Levítico 9:13

Chaymantañataqmi Aaronman chay lliw kañana animalta apamurqaku, chaytaqa apamurqaku umantawan kuskatam taksa-taksatakama kuchusqata, hinaptinmi altarpi kañarqa.

Números 15:3

torokunata otaq ovejatam lliw kañana sacrificiota ofrecemuwankichik. Chaykunaqa kanmanmi prometewasqaykichik ofrendakunapas, kikikichikmanta qosqaykichik ofrendakunapas, otaq fiestakunapi ofrecewanaykichik ofrendakunapas. Chaykunam kanqa ñoqa Tayta Diospaq miskillaña asnaq ofrendakuna.

Números 28:8

Inti seqaykuytapas imaynam tutapayta ofrecewasqaykita hinam ofrecewanki, chapusqa harinayuqta hinaspa vinoyuqta. Chaykunam ñoqa Tayta Diospaq miskillaña asnariq ofrenda kanqa.

Mateo 27:50

Jesusmi huktawan qaparispan espiritunta entregaykurqa.

Juan 19:30

Jesusñataqmi vinagreta malliykuspan nirqa: ¡Tukusqañam! nispa. Hinaspam umanta kumuykachispa espiritunta Taytanman entregaykuspa wañukurqa.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.