Lamentaciones 4:3 - CHUYA QELLQA La Biblia en Quechua de Ayacucho 2012

³ Atoqkunapas uñachankunataqa ñuñunmi, llaqtaymi ichaqa chunniqpi aveztrus hina wawankunata saqeruspan mana llakipayakuq rikurirun.

Quechua Ayacucho Bible 1987

³ Atoqkunapas uñachankunataqa ñuñunmi. Atoqkunapas wawachankunataqa mikuchinmi. Chunniqpi avestruz animalkunamanraqmi rikchakun llaqtamasiykunaqa. Chay animalkuna hina mana llakipayakuqmi ñoqapa llaqtamasiykunaqa.

Chuya Qellqa 1992

³ Atoqkunapas uñachankunataqa ñuñunmi, llaqtaymi ichaqa chunniqpi aveztrus hina wawankunata saqeruspan mana llakipayakuq rikurirun.

Lamentaciones 4:3 Iomraidhean Croise

1~Reyes 3:21

Wawayta ñuñunaypaq tutapayta hatariruspaymi wañusqataña tariykurqani, ichaqa achikyaruptinmi allinta qawaykuspay reqsiykurqani mana waway kasqanta, nispa.

Isaías 13:22

Palacionkunapipas purun animalkunallañam allwanqa, adornasqa palacionkunapipas atoqkunallañam waqanqa, Babilonia llaqtapa castigasqa kanan tiempoqa hichparamunñam, manam unamunqañachu.

Isaías 34:13

Palacionkunapipas kichkakunallaña wiñanqa, mana yaykuy atina llaqtankunapipas kichkayuq qorakunallaña wiñanqa; atoqkunawan avestruzkunallañam chaypiqa yachanqa,

Isaías 49:15

Tayta Diosñataqmi kaynata nin: ¿Yaqachu ñuñusqan wawata maman qonqarunman? ¿Yaqachu wachakusqan wawata maman qepancharunman? Ichapas mamanqa wawanta qonqarunman, ñoqam ichaqa mana qonqasqaykichikchu.

Jeremías 19:9

Churi-wawankutapas taytamama-llankuwanmi mikuchisaq, chayna-taqmi kikinkupas sapakama mikunakunqaku, chaynataqa ruwanqaku enemigonku atacaspa pasaypaq muyuriruptinku yarqaymanta kasqankuraykum.

Lamentaciones 2:20

Dios Taytalláy qawarispa yuyaymanariy, ¡manam pitapas kaynaniraqtaqa ruwarqankichu! ¿Yaqachu warmikuna wachakusqan wawata mikurunmanku? ¿Hinachu sacerdotekunawan profetakunapas temploykipi wañuchisqa kanqaku?

Lamentaciones 4:10

Jerusalén llaqta tuñichisqa kasqan punchawpim, allin sonqoyuq warmikunapas, wawankuta yanuruspa mikurqaku.

Ezequiel 5:10

Chayraykum chawpikipiqa tayta-mamakunapas wawa-churinkuta mikunqaku, wawa-churinkunapas tayta-mamankutam mikunqaku. Ñoqam qamta juzgasqayki, hinaspam haykam puchuqkunatañataq tukuy hinastinman cheqerachisaq, nispa.

Levítico 26:29

Hinaptinmi churi-wawaykichikkunataña mikunkichik.

Romanos 1:31

allin kaqkunatapas mana entiendey munaqkuna, rimasqankutapas mana ruwayman churaqkuna, mana kuyapayakuqkuna, paykunaqa manam pitapas llakipayankuchu.