Lamentaciones 2:3 - CHUYA QELLQA La Biblia en Quechua de Ayacucho 2012

³ Sinchita piñakuspanmi Israelpa tukuy atiyninta chinkarachin, enemigopa qayllanpim yanapakuyninta karuncharachin, Jacob castakunapa llaqtankunapim lenwachkaq ninata ratarachin, muyuriqninpi tukuy tarisqanta ruparunanpaqmi ratarachin.

Quechua Ayacucho Bible 1987

³ Señorqa anchata piñakuspanmi chinkarachin. Israel castakunapa tukuy atiynintam chinkarachin. Enemigopa qayllanpim yanapakuyninta karuncharachin. Manañam munanchu yanapawaykuta. Jacob castakunapa llaqtankunapim lenguachkaq ninata ratarirachin. Muyuriqninpi tukuy tarisqanta ruparunanpaqmi ratarirachin.

Chuya Qellqa 1992

³ Sinchita piñakuspanmi Israelpa tukuy atiyninta chinkarachin, enemigopa qayllanpim yanapakuyninta karuncharachin, Jacob castakunapa llaqtankunapim lenwachkaq ninata ratarachin, muyuriqninpi tukuy tarisqanta ruparunanpaqmi ratarachin.

Lamentaciones 2:3 Iomraidhean Croise

2~Crónicas 34:25

Ñoqata saqeruwaspankum tukuy rikchaq idolokunamanña inciensota kañarqaku, chaykunata ruwaspankum piñachiwarqaku, chayraykum kay llaqtaman piñakuyniyta kacharimuptiy mana taninqachu, nispa.

Jobwan Sutichasqa Libro 16:15

Llakipa pampasqanmi qachqa pachakunawan churakuruni, umaymanpas allpatam tallikuruni.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 48:25

Tayta Diosmi kaynata nin: Moab nacionpa kallpanmi kuchusqa rikurirun, makinkunam pakisqa rikurirun.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Lamentaciones 1:13

Tayta Diosmi ninata kachaykamuspa tulluykunata kañarurqa, purisqaypi toqllata churaruspanmi qepamanraq kutirichiwarqa, sapallayta saqeruwaptinmi sapa punchaw ñakarirqani.

Lamentaciones 4:11

Tayta Diosmi piñakuyninta kachaykamurqa, sinchi piñakuynintam chaqchurimurqa, Sión llaqtatam ninawan kañaykurqa, cimientonkamaraqmi llaqtata chinkarachirqa.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Ezequiel 7:14

Guerraman rinankupaqmi trompetata tocaspa tukuy imata alistanqaku, ichaqa manam pipas riq kanqachu, ñoqapa piñakuyniymi paykunapa hawanpi kachkan.

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Lucas 1:69

Tukuy Atiyniyuq Salvaqninchiktam kachamuwarqanchik, payqa serviqnin Davidpa mirayninmi.

Lucas 3:17

Payqa makinpim hurkitanta apamuchkan trigota pajamanta rakinanpaq, trigota taqenman apaykuspam pajatañataq mana amachay atina ninapi kañanqa, nispa.

Deuteronomio 32:22

Piñakuyniymi nina hinaraq ruparinqa, uku pachapa ukunkamaraqmi chayarunqa; allpatapas kawsaynintintam tukurunqa, orqokunapa sapintam kañarunqa.