Lamentaciones 1:3 - CHUYA QELLQA La Biblia en Quechua de Ayacucho 2012

³ Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Quechua Ayacucho Bible 1987

³ Juda nacionpi kaqkunam ñakariruspanña chaynataq sasa llamkaykunapi karuspaña nacionkunaman preso pusasqa rirqaku. Huklaw nacionkunapiñam *f**yachachkanku. Mana samay tariqñam kachkanku. Qatikachaqnin enemigonkunam hayparurqaku. Ñakarisqankupim paykunataqa hayparurqaku.

Chuya Qellqa 1992

³ Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, kunanqa manaña hawkayaypichu tarikun. Qatikachaqnin enemigonkunam hayparuspa ñakariyman churarun.

Lamentaciones 1:3 Iomraidhean Croise

2~Reyes 25:11

Hinaspanmi reyta waqaychaq soldadokunapa capitannin Nabuzaradanqa Jerusalén llaqtapi puchuqkunatawan, Babilonia nacionpa reyninman kuskanchakuruq runakunata chaynataq wakin runakunatapas presocharuspan aparqa;

2~Reyes 25:21

Babilonia nacionpa reynin kamachiptinmi Hamat law Ribla llaqtapi paykunata wañurachirqaku. Chaynatam Judá nacionniyuq runakunata llaqtankumanta huklawman presota aparqaku.

2~Reyes 25:4

llaqtapa murallanta toqorurqaku. Chaymi Babilonia tropakuna llaqtapa muyuriqninpi kachkaptinkupas, Jerusalenpi llapa soldadokuna tutallan lluptirurqaku reypa huertanpa hichpanpi kaq iskay perqapa chawpi punkuntakama. Reypas Arabá qechwaman riq ñannintam ayqekurqa.

2~Reyes 25:5

Babilonia tropakunañataqmi rey Sedequiasta qatispanku Jericó llaqtaman riq pampapi hapiramurqaku. Sedequiaspa tropankunapas cheqeruspankum sapallanta saqerurqaku.

Jeremías 13:19

Neguev lawpi llaqtakunatam enemigokuna muyurun, manam pipas yaykunchu nitaq lloqsimunchu. Judá runakunatam presocharuspa lliwta aparunku.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 39:9

Babilonia nacionpa reyninta waqaychaq soldadokunapa kamachiqnin Nabuzaradanñataqmi, llaqtapi puchuq runakunatawan kikin-kumanta entregakuq runakunata preso-charuspa Babilonia nacionman aparqa.

Jeremías 52:15

Hinaspam reyta waqaychaq soldadokunapa capitannin Nabuzaradanqa presocharuspa pusarqa Jerusalén llaqtapi puchuqkunatawan Babilonia nacionpa reyninman kuskanchakuq runakunata chaynataq común runakunatapas.

Jeremías 52:8

Babilonia tropakunam ichaqa rey Sedequiasta qatispanku Jericó llaqtaman riq pampapi hapiramurqaku, tropankunañataqmi sapallanta saqeruspanku cheqerurqaku.

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Lamentaciones 4:15

Paykunatam runakuna nirqaku: “¡Kaymanta anchuychik, qamkunaqa millay runakunam kankichik, ama llapchawaykuchu! ¡Manam ñoqaykuwanqa yachawaqchikchu!” nispanku.

Lamentaciones 5:5

Qatikachawaqniykum hichpallaykupiña kachkanku, pisiparuspaykupas manañam samariyta tarinikuñachu.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Deuteronomio 28:48

Tayta Diospa kachamusqan enemigoykichikkunatam yarqasqa, yakunayasqa, mana pachayuq hinaspa tukuy imamantapas wakchayasqa servinkichik. Wañunaykichikkamam fierro yugota apachichkaq hina paykunata Tayta Dios servichisunkichik.