Lamentaciones 1:2 - CHUYA QELLQA La Biblia en Quechua de Ayacucho 2012

² Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Quechua Ayacucho Bible 1987

² Tutankunam waqaypaq-waqapakuchkan. Sutillam weqenkunapas uyanpi kachkan. Kuyaqninkunapas manam consuelaykunkuchu. Llapallankumantam mana consuelaykunkuchu. Lliw amistadninkunapas traicionarunñam. Paykunaqa rikurirun enemigonñam.

Chuya Qellqa 1992

² Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Lamentaciones 1:2 Iomraidhean Croise

Jobwan Sutichasqa Libro 6:15

Qamkunam ichaqa qepancharuwankichik, qonqaymanta chakiruq mayu hinaraqmi saqeruwankichik;

Jobwan Sutichasqa Libro 7:3

Chaynam ñoqapa kawsayniypas killan-killan mana valeqlla, tutankunapas ñakariylla.

Proverbios 19:7

Sichum wakcha runata wawqenkuna cheqniptinkuqa, aswanraqchiki amigonkunaqa qepancharunqaku, paykunamantaqa yanapakuytapas manam tarinqachu.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 2:25

Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 4:30

Yaw, tuñichisqa llaqta: ¿Imapaqñataq guindo pachawanraq pachakunki? ¿Imapaqñataq qorimanta alhajakunawanraq churakunki? ¿Imapaqñataq ñawikikunatapas yanawanraq pintakunki? Yanqapaqñam allichapakunkipas, kuyaqnikikunapas qepanchakurusunkiñam, wañunaykitañam maskachkanku.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Lamentaciones 1:19

Amigoykunatam yanapaykuwananpaq qayakurqani, paykunam ichaqa qepancharuwanku. Sacerdoteykunawan ancianoykunam kawsanankupaq mikuyta maskachkaspanku llaqtapi wañurunku.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 2:11

Ñawillaypi weqellaykunapas tukurunñam, llaqtaypa tuñisqanta qawaspaymi ancha hukmayasqa kachkani, ñuñuq wawakuna yarqaymanta plazakunapi wañuqta qawaspaymi hukmanyasqallaña kachkani.

Ezequiel 16:37

Chayraykum qanrakusqayki waynaykikunata llapallanta huñurusaq, huñurusaqtaqmi kuyasqayki kaqkunatapas chaynataq cheqnisqayki kaqkunatapas. Muyuriqnikiman huñuruspaymi qayllankupi llatanarusqayki, hinaptinmi llapallanku qalalla cuerpoykita qawanqaku.

Oseas 2:7

Kuyaqninkunata qatispanpas manam haypanqachu, maskaspanpas manam tarinqachu. Hinaspam ninqa: “Kayna kanaytaqa punta qosayman kutikusaq, paywanqa allinmi karqani”, nispan.

Miqueas 7:5

Reqsinakusqaykipa nisqantapas ama creeychu, kamachikuqpipas ama hapipakuychu, puñuqmasikimantapas cuidakuy, simikitapas wichqakuy.

Apocalipsis 17:13

Chay chunkantin reykunam huk sonqolla kachkanku atiyninkutawan munayninkuta manchakuypaq animalman qonankupaq.

Apocalipsis 17:16

Mancha-kuypaq animalpi chunka waqrakuna rikusqaykiqa chunka reykunam, paykunaqa manchakuypaq animalpiwanmi chuchumikata cheqninqaku, hinaspam wischurayachkaqta qalallata saqerunqaku. Aychanta mikuruspankum kañaykunqaku.