Jueces 9:5 - CHUYA QELLQA La Biblia en Quechua de Ayacucho 2012

⁵ Chaymi Ofra llaqtapi taytanpa ayllunkunaman Abimelec rispan, Jerobaalpa qanchis chunka qari churinkunata huk rumipa hawallanpi wañurachirqa, Jerobaalpa sullka churin Jotamllañam pakakurusqanrayku mana wañururqachu.

Quechua Ayacucho Bible 1987

⁵ Chaymi Ofra llaqtapi *f**yachaq taytanpa ayllunkunaman Abimelec rispan Jerobaalpa qanchis chunka qari churinkunata otaq wawqenkunata wañurachirqa huk rumipa hawallanpi, Jerobaalpa sullka churin Jotanmi ichaqa mana wañururqachu pakakurusqanrayku.

Chuya Qellqa 1992

⁵ Chaymi Ofra llaqtapi taytanpa ayllunkunaman Abimelec rispan, Jerobaalpa qanchis chunka qari churinkunata huk rumipa hawallanpi wañurachirqa, Jerobaalpa sullka churin Jotamllañam pakakurusqanrayku mana wañururqachu.

Jueces 9:5 Iomraidhean Croise

1~Reyes 1:12

Chaynaqa, kawsakuynikita wawayki Salomonpa kawsakuynintapas salvayta munaspaqa kay nisqayta uyariy.

1~Reyes 1:21

Mana chayqa reynilláy, qam wañukuptikim ñoqapas chaynataq waway Salomonpas huchayuqpaq hapisqa kaymanku, nispa.

2~Reyes 10:17

Samaria llaqtaman Jehú chayaruspanmi Acabpa mirayninmanta puchuqkunata wañurachirqa mana hukllatapas puchuykuspa, chaynataqa ruwarqa Eliasnintakama Tayta Diospa nisqanman hinam.

2~Reyes 10:7

Chaymi cartata chaskiruspallanku, reypa qanchis chunka churinkunata wañurachispanku umankuta canastapi Jezreel llaqtapi Jehuman apachirqaku.

2~Reyes 11:3

Soqta watam Joasqa uywaqninpiwan Tayta Diospa templonpi pakasqa karqa. Ataliañataqmi nacionpi munaychakurqa.

2~Crónicas 21:4

Rey Jorammi taytanpa rantinpi munaychakuyta qallaykurqa. Munay-chakuyninpi allinta takyaykuspanmi, llapallan wawqenkunata wañurachirqa, wañurachirqataqmi Israelpi wakin kamachikuqkunatapas.

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 2:20

Hatariy hinaspa wawatawan mamanta pusarikuspa Israel allpaman kutiy, wawa wañuchiy munaqkunaqa wañurunkuñam, nispan.

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

Jueces 6:24

Chaymi Tayta Diospaq chaypi altarta ruwaruspan Gedeón suticharqa: “Tayta Diosmi hawkayayqa”, nispa. Kunankamapas chay altarqa hinallam Abiezer castakunapa kasqan Ofra llaqtapi kachkan.

Jueces 8:30

Payqa achka warmiyuq kasqanraykum qanchis chunka churiyuq karqa.

Jueces 9:18

qamkunañataqmi taytaypa ayllunkunapa contranpi hatariruspaykichik huk rumipa hawallanpi qanchis chunka qari churinkunata wañurachinkichik, hinaspam Siquem llaqtapi yachaq runakunapi kamachikunanpaq, taytay Jerobaalpa criadanpa wawan Abimelecta churarunkichik, chaynataqa ruwarunkichik aylluykichik kasqanraykum.

Jueces 9:2

Ama hina kaspayá Siquem llaqtapi llapallan kamachikuqkunata kaynata niychik: “¿Mayqantataq munawaqchik, Jerobaalpa llapallan qanchis chunka churinkuna kamachisunaykichiktachu icha ñoqalla kamachinaytachu? Amayá qonqaychikchu ñoqaqa qamkunapa aylluykichikmi kani”, nispa.

Jueces 9:6

Siquem llaqtapi yachaqkunawan Bet-milo llaqtapi yachaqkunañataqmi huñunakururqaku, Siquem lawpi tarikuq encina sachapa hichpanpi chaynataq yupaychasqanku pilarpa waqtanpi, hinaspam Abimelecta reypaq churarurqaku.