Jueces 9:4 - CHUYA QELLQA La Biblia en Quechua de Ayacucho 2012

⁴ Baal-berit idolopa templonmanta medio kilo masnin qollqeta Abimelecman qoykuptinkum, payta puriysinanpaq chaywan qella runakunata contratarurqa.

Quechua Ayacucho Bible 1987

⁴ Medio kilo masnin qollqeta Baal-beritpa templonmanta Abimelecman qoykuptinkum chaywan contratarurqa yanqa puriq qella runakunata, chay runakunataqa contratarurqa payta puriysinanpaqmi.

Chuya Qellqa 1992

⁴ Baal-berit idolopa templonmanta medio kilo masnin qollqeta Abimelecman qoykuptinkum, payta puriysinanpaq chaywan qella runakunata contratarurqa.

Jueces 9:4 Iomraidhean Croise

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

2~Crónicas 13:7

Jeroboammanmi hukllawakururqa mana allin runakunawan qella runakuna, paykunam Salomonpa churin Roboampa contranpi hoqarikururqaku, Roboamñataqmi warmallaraq kaspa mana tanteakuq kasqanrayku mana imayna rimarikuyta atirqachu.

Jobwan Sutichasqa Libro 30:8

Paykunaqa millay runakunapa churinkunam, mana reqsisqa runakunapa mirayninkunam, llaqtankumantapas qarqosqa runakunam.

Proverbios 12:11

Llamkakuq runaqa saksasqam kanqa, qella runam ichaqa yanqakunallapi tiempota usuchin.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Hechos 17:5

Mana iñiq judiokunañataqmi celoso churakuspanku qella runakunatawan mana allin runakunata huñuruspanku chay llaqtapi hatun chaqwata hatarirachirqaku. Paykunam Jasonpa wasinman yaykuruspanku Pablotawan Silasta hurqoyta munarqaku llapa runakunaman entreganankupaq.

Jueces 11:3

Chaymi Jefteyqa wawqenkunamanta ayqekuspan Tob lawpiña yacharqa, chaypim qella runakunaman hukllawakuykuspan mana allinkunata ruwarqa.

Jueces 8:33

Gedeón wañukuptinmi, Israelpa mirayninkunaqa Tayta Diosta saqeruspanku kaqllamanta huchallikuyta qallaykurqaku, hinaspam Baal idolokunapa qepantaña pasakurqaku, paykunaqa diosninkupaqpas Baal-berit sutiyuq idolotañam akllakuykurqaku.

Jueces 9:27

Chaymantam Siquem llaqtayuqkunaqa chakraman rispanku uvasninkuta pallaruspa vinota ruwarurqaku, hinaspam diosninkupa templonpi fiestata ruwarqaku, chaypim mikuspanku upyaspanku Abimelecta ñakarqaku.

1~Samuel 22:2

Chaypim llapa sasachakuypi kaqkuna, debekuqkuna chaynataq llakipa intusqan runakuna Davidman hukllawakuykurqaku. Davidmi paykunapa kamachiqnin rikurirurqa. Paykunam yaqa tawa pachak qarikuna karqaku.