Jueces 9:28 - CHUYA QELLQA La Biblia en Quechua de Ayacucho 2012

²⁸ Ebedpa churin Gaalñataqmi nirqa: Siquem llaqtapi yachaqkuna, ¿pitaq Abimelecqa payta servinanchikpaqqa? ¿Manachum payqa Jerobaalpa churin? ¿Manachum Zebulpas paypa yanapaqnin? Siquem llaqtata hatarichiq Hamortayá servisunchikqa, amayá Abimelectachu.

Quechua Ayacucho Bible 1987

²⁸ Ebedpa churin Gaalmi nirqa: —¿Pitaq Abimelecqa Siquem llaqtapi yachaqkuna payta servinanchikpaq? ¿Manachum payqa Jerobaalpa churin? ¿Manachum Zebulpas paypa yanapaqnin? Siquempa taytan Hamorpa castankunatayá servispaqa serviychik, amayá servisunqa Abimelectachu.

Chuya Qellqa 1992

²⁸ Ebedpa churin Gaalñataqmi nirqa: Siquem llaqtapi yachaqkuna ¿pitaq Abimelecqa payta servinanchikpaqqa? ¿Manachum payqa Jerobaalpa churin? ¿Manachum Zebulpas paypa yanapaqnin? Siquem llaqtata hatarichiq Hamortayá servisunchikqa, amayá Abimelectachu.

Jueces 9:28 Iomraidhean Croise

Génesis 33:19

Chaypim huk chakrata rantirurqa Siquempa taytan Hamorpa churinkunamanta tawa kilo parten qollqewan, hinaspam chaypi carpanta sayachirqa.

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 34:6

Chaymi Siquempa taytan Hamor yaykupakuwan Jacobman rirqa.

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

1~Reyes 12:16

Mañakuyninkuta reypa mana kasusqanta qawaykuspankum Israelpa mirayninkuna nirqaku: ¡Davidwanqa manam imapas ruwananchik kanñachu! ¡Isaipa churinwanqa manam ima herencianchikpas kanchu! ¡Israelpa mirayninkuna sapakama wasikichikman kutikuychik! ¡Davidqa ayllullanpi munaychakuchun! nispanku. Hinaspam Israelpa mirayninkunaqa sapakama wasinkuman kutikurqaku.

Jueces 9:26

Huk punchawmi Ebedpa churin Gaalqa wawqenkunawan Siquem llaqtaman chayarurqa, hinaptinmi Siquem llaqtapi yachaqkuna payman hapipakururqaku.

Jueces 9:41

Abimelecmi Aruma lawpi qeparurqa, Zebulñataqmi Gaaltawan ayllunkunata Siquem llaqtamanta qarqorurqa.

1~Samuel 25:10

Hinaptinmi Nabal kaynata nirqa: ¿Pitaq chay Davidqa? ¿Pitaq chay Isaipa churinqa? ¡Kunan punchawkunaqa achkaq criadokunam dueñonkumanta lluptikuchkanku!