Jueces 9:15 - CHUYA QELLQA La Biblia en Quechua de Ayacucho 2012

¹⁵ Hinaptinsi tankar kichkaqa nisqa: “Cheqaptapuni kamachikunaypaq churaruwaspaykichikqa, hamuspa ñoqapa ukuypi llantukuychik, mana chayna kaptinqa ñoqamanta nina lloqsispa Libanopi cedrokunata ruparuchun”, nispa.

Quechua Ayacucho Bible 1987

¹⁵ Hinaptinsi qotu-qotuqa nisqa: “Cheqaptapuni gobiernanaypaq churaruwaspaykichikqa hamuspayá ñoqapi llantukuychik, mana chayna kaptinqa ñoqamanta nina lloqsiruspanyá Libanopi cedrokunata ruparuchun” nispa.

Chuya Qellqa 1992

¹⁵ Hinaptinsi tankar kichkaqa nisqa: “Cheqaptapuni kamachikunaypaq churaruwaspaykichikqa, hamuspa ñoqapa ukuypi llantukuychik, mana chayna kaptinqa ñoqamanta nina lloqsispa Libanopi cedrokunata ruparuchun”, nispa.

Jueces 9:15 Iomraidhean Croise

2~Reyes 14:9

Hinaptinmi Israelpa reynin Joasñataq Judá nacionpa reynin Amasiasta nichimurqa: Líbano montepi wiñaq cardo qoras cedro sachata nichimusqa: “Warmi churikita qari churiywan casarachiy”, nispa. Ichaqa Líbano monte animalsi chayninta pasaspan cardo qorata saruparusqa.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 2:13

chaynatam ruwanqa Líbano orqopi cedro sachakuna hinaña, Basán lawpi encina sachakuna hinaña kaptinkupas,

Isaías 30:2

Mana ñoqata tapuwaspankum Egipto nacionman chaylla rinku, rey Faraonpi hapipakuspam yanapakuyta maskanku.

Isaías 37:24

Serviqnikikunawanmi Señorta kamichirqanki, hinaspam nirqankiraq: “Nana-nanaq carroykunawanmi orqokunapa puntanman qespirusaq, Líbano orqo waqtatam qespirusaq, hatun cedro sachakunatam kuchumusaq, sumaq ciprés sachakunatam kuchurusaq, karu-karu orqonkunamanmi chayarusaq, sachankamallaña montenkunamanmi chayarusaq.

Lamentaciones 4:20

Tayta Diospa sapaqchasqan reytam presota aparqaku, payqa kawsachiqniykum karqa, paymantam nirqaniku: “Llaqtakunapa chawpinpipas paypa nanachikusqanmi kawsakusaqku”, nispa.

Ezequiel 19:14

Kikinpa kallmanmanta nina lloqsispam ikllipankunatawan rurunkunatapas ruparun, kallmankunapas manañam kanñachu reypa varan ruwanankupaqpas. Kayqa aya takim, llakipi kaspa takinankupaqmi kanqa.

Ezequiel 31:3

Líbano lawpi cedro sacha kaqlla Asiria nacionta qawariy. Chay sachaqa sumaq kallmasapallañam karqa, kallmasapa hatun sacham karqa, kallmankunapas puyukamaraqmi hayparqa.

Daniel 4:12

Mayna sumaqmi llaqenkunapas kasqa, rurunkunapas llumpaymi kasqa, chaypiqa llapallanpaqmi mikuykunapas kasqa. Purun animalkunapas ukunpim llantukusqaku, alton pawaq animalkunapas kallmankunapim qesachakusqaku, llapallan kawsaqkunapas chayllawanmi kawsasqaku.

Oseas 14:7

Ñoqapa llantuyniypim huktawan kawsakunqaku, trigo hinaraqmi wiñayta qallaykunqaku, uvas sacha hinaraqmi sumaqllataña waytarinqaku, Líbano montepi vino hinaraqmi ancha reqsisqa kanqaku.

Números 21:28

Hesbón llaqtamantam nina lloqsirqa, Sehonpa llaqtanmantam lenwachkaq nina lloqsirqa; Moab nacionpim Ar llaqtata kañarurqa, Arnonpi yachaq runakunatam ruparurqa.

Mateo 13:32

Mostazaqa llapallan muhumantapas uchuychallam, wiñaruspam ichaqa wakin qorakunatapas masyaruspan sachayarun, hinaptinmi urpikunapas kallmankunapi qesachakunku, nispan.

Jueces 9:14

Chaysi llapallan sachakunaqa tankar kichkataña nisqaku: “Qamyá kamachiwayku”, nispanku.

Jueces 9:16

Chaynaqa, kunanyá tapusqaykichik: ¿Abimelecta reypaq churaspaykichikqa cheqap kaqwan chaynataq allin sonqowanchu ruwarunkichik? ¿Jerobaaltapas chaynataq ayllunkunatapas allintachu ruwarunkichik? ¿Ruwapususqaykichikman hinachu pagarunkichik?

Jueces 9:20

Mana chayna kaptinqa Abimelecmanta nina lloqsiramuspan Siquem llaqtapi runakunatawan Milo llaqtapi yachaqkunata ruparuchun; chay llaqtakunamanta nina lloqsimuspañataq Abimelecta ruparuchun, nispa.

Jueces 9:44

Abimelecmi paywan kaq tropakunapiwan pasaspa llaqtapa punkunpi churakururqaku, iskayman rakinasqan tropakunañataqmi campopi kaqkunata lliwta wañurachirqaku.

Jueces 9:49

Chaynapim tropankunapas sapakama sachapa kallmankunata kuchuspanku Abimelecta Siquem llaqtapa torrenkama qatirqaku, chay torrepa muyuriqninman llapa kallmakunata montoykuspankum torreta kañaykurqaku, hinaptinmi warmipas qaripas yaqa waranqa runakuna wañururqaku.