Jueces 8:26 - CHUYA QELLQA La Biblia en Quechua de Ayacucho 2012

²⁶ Gedeonman qosqanku qorimanta llapallan aretekunapa llasayninmi yaqa chunka isqonniyuq kilo karqa; llullu killaman rikchakuq adornokunatawan, huk rikchaq aretekunata, madianitakunapa reykunapa grosella pachankunata, camellonkunapa kunkanpi collarkunataqa manam yuparqakuchu.

Quechua Ayacucho Bible 1987

²⁶ Gedeonpa mañakusqan qorimanta llapallan aretekunapa llasayninqa karqa yaqa chunka isqonniyoq kilom, ichaqa manam yuparqakuchu llullu killaman rikchakuq adornokunataqa nitaq huk rikchaq aretekunatapas nitaq Madian casta reykunapa grosella pachankunatapas nitaq camellonkunapa kunkanpi collarkunatapas.

Chuya Qellqa 1992

²⁶ Gedeonman qosqanku qorimanta llapallan aretekunapa llasayninmi yaqa chunka isqonniyuq kilo karqa; llullu killaman rikchakuq adornokunatawan, huk rikchaq aretekunata, madianitakunapa reykunapa grosella pachankunata, camellonkunapa kunkanpi collarkunataqa manam yuparqakuchu.

Jueces 8:26 Iomraidhean Croise

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Proverbios 31:22

Payqa llikllakunatam awan, pachankunapas fino telamantam.

Isaías 3:18

Chay punchawmi Tayta Dios chinkachinqa: Chakipi sallsallyaq adornokunata, llullu killaman rikchakuq collarkunata,

Jeremías 10:9

Paykunapa idolonkuqa Tarsis lawmanta apamusqanku qollqellam, Ufaz lawmanta apamusqanku qorillam; chaykunaqa runapa ruwasqallanmi, metalta chulluchiqkunapa ruwasqallanmi. Morado telawan pachachisqam kachkanku, grosella telawan ustuykachisqam kachkanku. Yachaqkunapa ruwasqallanmi lliwpas kachkanku.

Ezequiel 27:7

Telaykikunapas Egiptomanta apamusqa bordasqa fino linomantam karqa, chaykunam banderaykimanta servikurqa; toldoykikunapas puka morado telamantam karqa, chayqa Elisa lawpi lamar qochapa patanmanta apamusqam karqa.

Lucas 16:19

Huk apu runam karqa, paymi ancha preciopa chanin fino pachakunawan churakuq, paymi sapa punchaw munayllapaqña convidokunata ruwachiq.

Juan 19:2

Soldadokunañataqmi kichkamanta coronata simparuspanku Jesuspa umanman churarqaku, hinachirqakutaqmi puka grosella capawanpas.

Juan 19:5

Jesusmi hawaman lloqsimurqa kichkamanta coronayuq hinaspa puka grosella capawan churasqa. Chaymi Pilato nirqa: ¡Kayqaya kay runaqa! nispan.

Apocalipsis 17:4

Chay warmiqa kachkasqa grosella puka pachawan pachasqam chaynataq qoriwan, alhaja rumikunawan hinaspa perlaskunawan adornasqam. Makinpiñataqmi kasqa qorimanta copa, chay copaqa kasqa cheqnikuywan hinaspa millakuypaq huchapakuyninwan huntasqam.

Apocalipsis 18:12

Paykunam rantikuqku: Qorita, qollqeta, alhaja rumikunata, perlaskunata, linomanta fino telakunata, grosella telakunata, puka telakunata, sedakunata hinaspa miski asnaq sachakunata. Rantikuqkutaqmi marfilmanta, sumaq kullumanta, broncemanta, fierromanta hinaspa marmolmanta sumaq tukuy rikchaq ruwasqa serviciokunatapas.

Apocalipsis 18:16

waqaspanku kaynata nirqaku: “¡Ay, ay, imaynaraq kanqa kay hatu-hatun llaqtaqa! Payqa warmi hina suma-sumaq lino pachawan pachasqam karqa, payqa grosellawan, puka pachawan pachasqam karqa, payqa qoriwan, alhaja rumikunawan hinaspa perlaskunawan adornasqam karqa.

Jueces 8:21

Chaymi Zebawan Zalmunañataq Gedeonta nirqaku: Qari kaspaykiqa qamyá wañuchiwayku, nispanku. Hinaptinmi paykunata kikin Gedeón wañurachispan camellonkunapa kunkanpi llullu killaman rikchakuq adornokunatapas apakurqa.

Jueces 8:25

Hinaptinmi Gedeonta Israelpa mirayninkuna nirqaku: Tukuy sonqoykumantam qosqaykiku, nispanku. Chaymi llikllata mastaykuspanku qechumusqanku aretekunata sapakama churarqaku.

Jueces 8:27

Chay adornokunamantam huk Efodta Gedeón ruwachirqa, hinaspam Ofra llaqtanpi churarachirqa; chaymi Israelpa llapallan mirayninkunaqa Tayta Diosta saqeruspanku chay efodtaña yupaycharqaku. Chaywanmi Gedeonpas chaynataq ayllunkunapas huchallikurqaku.