Jueces 8:10 - CHUYA QELLQA La Biblia en Quechua de Ayacucho 2012

¹⁰ Zebawan Zalmunaqa, Carcor llaqta-pim kachkarqaku, paykunawanmi yaqa chunka pichqayuq waranqa tropa-kunapas kachkarqaku, chay tropaku-naqa karqa intipa qespimunan lawmanta hamuqkunamanta puchuq tropakunam, paykunamantam espadawan peleaq soldadokuna pachak iskay chunka waranqa wañururqaku.

Quechua Ayacucho Bible 1987

¹⁰ Chay Zebawan Zalmuna reykunam kachkarqaku Carcor llaqtapi, paykunawantaqmi kachkarqa yaqa chunka pichqayoq waranqa tropakunapas, chay tropakunaqa karqa intipa qespimunan lawmanta kaq puchuq tropakunam, espadawan peleaq pachak iskay chunkan waranqa soldadokunam wañururqakuña.

Chuya Qellqa 1992

¹⁰ Zebawan Zalmunaqa, Carcor llaqtapim kachkarqaku, paykunawanmi yaqa chunka pichqayuq waranqa tropakunapas kachkarqaku, chay tropakunaqa karqa intipa qespimunan lawmanta hamuqkunamanta puchuq tropakunam, paykunamantam espadawan peleaq soldadokuna pachak iskay chunka waranqa wañururqaku.

Jueces 8:10 Iomraidhean Croise

2~Reyes 3:26

Moab nacionpa reyninmi peleasqanpi vencerachikusqanta qawakuykuspan, qanchis pachak soldadokunata akllaykurqa Edom nacionpa reyninta atacananpaq, ichaqa manam atirqachu.

2~Crónicas 13:17

Rey Abiasmi soldadonkunapiwan Israel runakunata wañurachirqaku pichqa pachak waranqa akllasqa soldadokunata.

2~Crónicas 28:6

Ñawpaq taytankupa yupaychasqan Tayta Diosta saqerusqankuraykum, Remaliaspa churin rey Pekapas, huk punchawllapi pachak iskay chunka waranqa allinnin qari-qari soldadokunata Judá nacionpi wañurachirqa.

2~Crónicas 28:8

Israel tropakunam Judá ayllunkunata presota hapispanku, iskay pachak waranqa runakunata, qarita, warmita hinaspa warmakunatapas Samaria llaqtaman aparqaku. Tukuy imankutapas qechuspam achka-achkata Samaria llaqtaman aparqaku.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jueces 20:15

Chay tiempopim llapallan llaqtankunamanta Benjaminpa mirayninkuna, iskay chunka soqtayuq waranqa peleaqkuna karurqaku, Gabaa llaqtapi yachaq qanchis pachak akllasqa qarikunam ichaqa mana yupasqachu karqaku.

Jueces 20:17

Israel castakunamanta wakin ayllukunañataqmi tawa pachak waranqa peleaqkuna karqaku.

Jueces 20:2

Israel ayllukunapa llapallan kamachiqninkunam chaypi tarikurqaku. Tayta Diospa llaqtanmantam tawa pachak waranqa soldadokuna espadantinkama huñunakururqaku.

Jueces 20:25

Benjamín castakunaqa iskay kaq punchawpipas Gabaa llaqtamanta lloqsiramuspankum Israelpa mirayninkunamanta espadawan peleaq qarikunata chunka pusaqniyuq waranqata wañurachirqaku.

Jueces 20:35

Tayta Dios yanapaptinmi Benjamín castakunata Israelpa mirayninkuna vencerurqaku, hinaspam chay punchawpi Benjamín castakunamanta espadawan peleaq qarikunata iskay chunka pichqayuq waranqa pachaknin runakunata wañurachirqaku.

Jueces 20:46

Chay punchawpim Benjamín castakunamanta iskay chunka pichqayuq waranqa qarikuna wañururqaku, paykunam karqaku espadawan peleaq allinnin qari-qari runakuna.

Jueces 6:5

Chay runakunaqa animalnintinmi hinaspa carpantinmi yaqa aqaruway uru hinaña hamuqku. Camellonkupas chaynataq paykunapas mana yupay atinam karqaku, chay allpapi kaqkunata tukunankupaqmi hamuqku.

Jueces 7:12

Chay pampapim madianitakuna, amalecitakuna hinaspa intipa qespimunan lawmanta kaqkuna aqaruway urukuna hinaña achkallay-achka mastarayachkasqaku, camellonkupas lamarpa patanpi aqo hinaña mana yupay atinam kachkasqa.

Jueces 7:13

Enemigopa campamentonman chayaruspanmi, Gedeón uyarirurqa huk soldado mosqokusqanta soldadomasinman kayna willachkaqta: Mosqoyniypim qawachkasqani cebada tantata campamentonchikkama kururakamuspa huk carpata hapiruspan wichiykachiqta, nispa.

Jueces 7:22

Israel castakunamanta kimsa pachak runakuna trompetankuta tocaptinkum, campamentopi kaq madianitakunata kikinkupurata Tayta Dios peleanarachirqa. Ayqespankuñataqmi Zerera lawman riq Bet-sita lawkama lluptirqaku, Tabat lawpa hichpanpi kaq Abel-mehola llaqtapa linderonkama.

Jueces 8:11

Gedeonmi carpapi yachaqkunapa purinanku ñanman chayarurqa, chay ñanmi karqa Noba llaqtapa chaynataq Jogbeha llaqtapa intipa qespimunan lawninpi; hinaspam chay tropakunapa campamentonta qonqayllamanta atacarurqa.