Jueces 7:2 - CHUYA QELLQA La Biblia en Quechua de Ayacucho 2012

² Hinaptinmi Gedeonta Tayta Dios nirqa: Madianitakunata makikiman churanaypaqqa qanwan kaq runakunam achkallaña kachkanku, yanqañataq Israel miraykunaqa hatunchakunmanku, “kikiykum librakunikuqa”, nispanku.

Quechua Ayacucho Bible 1987

² Hinaptinmi Tayta Dios nirqa Gedeonta: —Madian casta runakunata makikiman churanaypaqqa qanwan kaq runakunam achkallaña kachkan, Israel castakunaqa yanqañataqmi contraypi alabakunman: “Kikiykum librakunikuqa” nispa.

Chuya Qellqa 1992

² Hinaptinmi Gedeonta Tayta Dios nirqa: Madianitakunata makikiman churanaypaqqa qanwan kaq runakunam achkallaña kachkanku, yanqañataq Israel miraykunaqa hatunchakunmanku, “kikiykum librakunikuqa”, nispanku.

Jueces 7:2 Iomraidhean Croise

Génesis 46:2

Chay tutam Israelta mosqoyninpi rimapayaspan Dios nirqa: Jacob, Jacob, nispan. Payñataqmi nirqa: Kaypim kachkani, nispa.

2~Crónicas 14:11

Rey Asam Tayta Diosta kaynata mañakurqa: Diosnilláy, kallpayuqtapas mana kallpayuqtapas qamllam yanapanki. Dios Taytallayku, yanapaykullawayku, qanmanmi hapipakamuykiku, qampa sutikipim hamuniku kay nana-nanaq soldadokunapa contranpi peleanaykupaq. Dios Taytalláy, qanmi Diosniyku kanki, manam qamtaqa pipas vencesunkichu, nispa.

Isaías 10:13

Asiria nacionpa reyninmi nirqa: “Atiyniywanmi chaykunata ruwarqani, yachayniywan hinaspa yuyaysapa kasqayrayku. Nacionkunapa linderonkunatam asuchirqani, qori-qollqenkutam qechurqani. Ñoqaqa munaychakuq hinam kamachiqninkutapas wischurqani.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Ezequiel 28:17

Kuyayllapaq kasqaykiraykum sonqoykipi hatun tukuq rikurirurqanki, suma-sumaq kasqaykiraykum yachaynikitapas yanqacharurqanki. Chayraykum pampaman wischururqayki, reykunapa ñawpaqninpim penqayman churarurqayki.

Ezequiel 28:2

Runapa churin, ñoqa Tayta Diospa nisqayta Tiro llaqtapa reyninman kaynata nimuy: Sonqoykipi hatunchakuspam kaynata nirqanki: “Ñoqaqa diosmi kani, diospa trononpim tiyachkani lamar qochapa chawpinpim tiyachkani”, nispayki. Qamqa manam dioschu kanki, diospaq hapikuspaykipas runallam kanki.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Habacuc 1:16

Chayraykum mallankuta yupaychanku, inciensotaraqmi qontichipunku, chay mallankuwanmi tukuy imata huñukunku, chayraykum mikunankupas mana pisiq.

Zacarías 12:7

Tayta Diosmi Judá naciontaraq puntata salvaykunqa, chaynapi Davidpa castankunawan Jerusalenpi yachaqkuna, Judá nacionpi mana hatunchakurunankupaq.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Números 31:4

Israelpa mirayninkunamantam sapa ayllu kachanqa guerrapaq waranqa runakunata, nispa.

Romanos 11:18

Chaynaqa, judiokuna kuchusqa kallmakuna hina kaptinkupas amayá qamkunaqa hatunchakuychikchu. Qamkunaqa kallmakunallam kankichik, manam kallmankunachu sapinkunataqa kawsachin aswanqa sapinkunam llapallan kallmankunataqa kawsachin.

Romanos 3:27

Hinaptinqa, Diospa qayllanpi runapa hatun tukuyninqa ¿maypitaq kachkan? ¡Chayqa chinkasqañam! ¿Imanasqa? Manam leyta cumplisqanraykuchu, aswanqa iñisqanraykullam.

2~Corintios 4:7

Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

Efesios 2:9

Salvasqaqa kankichik manam imapas ruwasqaykichikraykuchu, chaynapi mana pipas alabakunanpaq.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

Deuteronomio 8:18

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.