Jueces 7:14 - CHUYA QELLQA La Biblia en Quechua de Ayacucho 2012

¹⁴ Chaymi soldadomasinñataq nirqa: Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi madianitakunata llapallan campamentontinta Gedeonman qoykunqa, nispa.

Quechua Ayacucho Bible 1987

¹⁴ Hinaptinmi chay soldadomasinñataq nirqa: —Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi Madian casta runakunata llapallan campamentontinta Gedeonman qoykunqa —nispa.

Chuya Qellqa 1992

¹⁴ Chaymi soldadomasinñataq nirqa: Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi madianitakunata llapallan campamentontinta Gedeonman qoykunqa, nispa.

Jueces 7:14 Iomraidhean Croise

Jobwan Sutichasqa Libro 1:10

Qamqa pipas mana llapchaykunanpaqmi qenchawan hina muyuruspa payta, ayllunkunata hinaspa tukuy ima kapuq-ninkunatapas waqaychachkanki. Llam-kaynintapas, animalninkunatapas bendeciykuptikim, llapa tukuy imanpas llumpa-llumpayta mirarun.

Números 22:38

Hinaptinmi rey Balacta Balaam nirqa: Arí, qawaykuqnikim hamurqani. Aswanqa manam munasqaytachu rimasaq, Diospa rimachiwasqallantam, nispa.

Números 23:20

Ñoqataqa bendecinaypaqmi kamachiwarqa, Diospuni bendecichkaptinqa manam kutipaymanchu.

Números 23:5

Rimananpaq Balaamta yachachis-panmi Tayta Dios nirqa: Rey Balacman kutispa nisqayta hinalla nimuy, nispa.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:9

Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Jueces 3:28

nirqa: Qatiwaychik, enemigonchik Moab castakunatam Tayta Dios makinchikman churaykamun, nispa. Chaymi payta qatispa Moabman chim-pana Jordán mayupa vadonkunapi churakururqaku hinaspankum manaña pitapas chaynintaqa pasachirqakuñachu.

Jueces 7:13

Enemigopa campamentonman chayaruspanmi, Gedeón uyarirurqa huk soldado mosqokusqanta soldadomasinman kayna willachkaqta: Mosqoyniypim qawachkasqani cebada tantata campamentonchikkama kururakamuspa huk carpata hapiruspan wichiykachiqta, nispa.

Jueces 7:15

Gedeonñataqmi mosqoy willakusqanta chaynataq imam ninanta uyariykuspan Tayta Diosta yupaycharqa. Israel miraykunapa campamentonman kutiruspanmi nirqa: ¡Hatariychik, Tayta Diosmi madianitakunapa campamentonta qoykuwasunchik! nispa.

1~Samuel 14:12

Hinaspam Jonatantawan arman apaq soldadota qayarqaku: ¡Kay ñoqaykupa kasqaykuman seqamuychik! ¡Ñoqaykum hukta willasaykiku! nispanku. Chaymi arman apaq soldadota Jonatán nirqa: Hakuchik, Tayta Diosmi paykunata Israelpa makinman churaykamun, nispa.