Jueces 7:13 - CHUYA QELLQA La Biblia en Quechua de Ayacucho 2012

¹³ Enemigopa campamentonman chayaruspanmi, Gedeón uyarirurqa huk soldado mosqokusqanta soldadomasinman kayna willachkaqta: Mosqoyniypim qawachkasqani cebada tantata campamentonchikkama kururakamuspa huk carpata hapiruspan wichiykachiqta, nispa.

Quechua Ayacucho Bible 1987

¹³ Campamentoman Gedeon chayaruptinmi soldadomasinman huk runa mosqoyninta kaynata willachkasqa: —Mosqoyniypim qawachkasqani cebada tantata Madian casta runakunapa campamentonkama kuchpakamuchkaqta chaymi karpata hapiruptin karpa wichiykurqa —nispa.

Chuya Qellqa 1992

¹³ Enemigopa campamentonman chayaruspanmi, Gedeón uyarirurqa huk soldado mosqokusqanta soldadomasinman kayna willachkaqta: Mosqoyniypim qawachkasqani cebada tantata campamentonchikkama kururakamuspa huk carpata hapiruspan wichiykachiqta, nispa.

Jueces 7:13 Iomraidhean Croise

1~Corintios 1:27

Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

Jueces 3:15

Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.

Jueces 3:31

Aodpa qepantañataqmi Anatpa churin Samgarña hatarirqa, paymi torokunata tuksina puyawan filisteokunamanta soqta pachak runakunata wañurachirqa, paypas Israelpa mirayninkunatam librarqa.

Jueces 4:21

Sisarañataqmi sinchi pisipasqa kasqanrayku miskita puñururqa, chaymi Heberpa warmin Jaelñataq mazotawan carpanpa estacanta hapiykuspan upallalla Sisaraman asuykuruspan estacawan rinri kullunpi takarurqa allpapi plantakunankama, chaynapim wañururqa.

Jueces 4:9

Deborañataqmi nirqa: Qanwanmi risaq, ichaqa manam qamchu hatunchasqa kanki, Sisarataqa warmipa makinmanmi Tayta Dios churaykunqa, nispa. Chaymi Deboraqa hatarispan Cedes llaqtaman Baracpiwan rirqaku.

Jueces 6:15

Hinaptinmi Gedeón nirqa: Señorlláy, ¿imawantaq Israelpa mirayninkunata librasaq? Manasés ayllu ukupiqa llapanmanta wakcham kaniku, aylluy ukupipas mana kaqpaq hapisqam kallani, nispa.

Jueces 7:12

Chay pampapim madianitakuna, amalecitakuna hinaspa intipa qespimunan lawmanta kaqkuna aqaruway urukuna hinaña achkallay-achka mastarayachkasqaku, camellonkupas lamarpa patanpi aqo hinaña mana yupay atinam kachkasqa.

Jueces 7:14

Chaymi soldadomasinñataq nirqa: Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi madianitakunata llapallan campamentontinta Gedeonman qoykunqa, nispa.

Jueces 8:10

Zebawan Zalmunaqa, Carcor llaqta-pim kachkarqaku, paykunawanmi yaqa chunka pichqayuq waranqa tropa-kunapas kachkarqaku, chay tropaku-naqa karqa intipa qespimunan lawmanta hamuqkunamanta puchuq tropakunam, paykunamantam espadawan peleaq soldadokuna pachak iskay chunka waranqa wañururqaku.