Jueces 6:6 - CHUYA QELLQA La Biblia en Quechua de Ayacucho 2012

⁶ Madianitakunaraykum Israelpa mirayninkuna llumpayta wakchayarurqaku, hinaspam qaparispanku Tayta Diospa yanapakuyninta mañakurqaku.

Quechua Ayacucho Bible 1987

⁶ Chaynapim Madian casta runakunaqa Israel casta runakunata llumpayta wakchayarachirqa chaymi Israelpa mirayninkunaqa Tayta Diosta qaparispa mañakurqaku.

Chuya Qellqa 1992

⁶ Madianitakunaraykum Israelpa mirayninkuna llumpayta wakchayarurqaku, hinaspam qaparispanku Tayta Diospa yanapakuyninta mañakurqaku.

Jueces 6:6 Iomraidhean Croise

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Malaquías 1:4

Esaupa miraynin Edom runakunam ninku: “Tuñirachiwaptinchikpas musoqmantam purmachisqa nacionninchiktaqa hatarichisun”, nispanku. Ichaqa Tukuy Atiyniyuq Tayta Diosmi kaynata nin: “Huktawan hatarirachiptikichikpas yapamantam purmarachisqaykichik. Hinaptinmi nacionnikichik sutichasqa kanqa mana allinpa kanan nacionwan hinaspa Tayta Diospa wiñaypaq ñakasqan nacionwan”, nispa.

Deuteronomio 28:43

Qamkunawan yachaq huklaw llaqtayuqkunam qamkunamantapas aswan munayniyuq kanqaku, qamkunañataqmi aswan-aswan chinkankichik.

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.

Jueces 3:15

Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.

Jueces 3:9

Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

Jueces 6:7

Madianitakunarayku Israelpa miray-ninkuna qaparispa Tayta Diosta mañakuptinkum,