Jueces 6:4 - CHUYA QELLQA La Biblia en Quechua de Ayacucho 2012

⁴ Hinaspam carpankuta chaypi sayarachispanku Gaza llaqtaman chayanakama chakrapi kawsayninkutapas tukuqku. Manam kawsaykunatapas, ovejakunatapas, torokunatapas nitaq asnokunatapas escapachiqkuchu.

Quechua Ayacucho Bible 1987

⁴ Hinaspam chaypi karpankuta sayarachispanku chakrapi kawsayninkutapas tukuqku Gaza llaqtaman chayanankukama. Manam puchuqkuchu kawsaykunatapas, ovejakunatapas, bueyeskunatapas hinaspa asnokunatapas.

Chuya Qellqa 1992

⁴ Hinaspam carpankuta chaypi sayarachispanku Gaza llaqtaman chayanakama chakrapi kawsayninkutapas tukuqku. Manam kawsaykunatapas, ovejakunatapas, torokunatapas nitaq asnokunatapas escapachiqkuchu.

Jueces 6:4 Iomraidhean Croise

Génesis 10:19

Paykunapa allpanmi karqa Sidonmanta qallaykuspa Gerar lawninta Gaza llaqtakama; Sodoma, Gomorra, Adma hinaspa Seboim lawnintañataqmi Lasa llaqtakama.

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Proverbios 28:3

Wakchamasinta suwakuq runaqa kawsayta tukuruq loco para hinam.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Levítico 26:16

ñoqapas qamkuna ukupim manchapakuyta, wañuchikuq onqoykunata, calenturata, ñawi onqoyta chaynataq eqoyayta rikurirachisaq; yanqapaqmi tarpunkichikpas, tarpusqaykichiktapas enemigoykichikmi mi-kukunqa.

Abdías 1:5

Suwakunaña tutan hamususpaykipas, ¿manachum paykunaqa munasqan kaqllata apanmanku? Uvas pallaqkunaña yaykumususpaykipas, ¿manachum asllatapas maskapakunapaq puchuykunmanku? Qamtam ichaqa enemigoykikuna pasaypaqta tuñirachisunki.

Miqueas 6:15

Tarpuspapas manam cosechankichu, aceitunas sarusqaykipa aceitenwanpas manam servichikunkichu, uvas sarusqaykipa vinontapas manam upyankichu.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Deuteronomio 28:51

Paykunam animalnikichikkunata chaynataq kawsaynikichikkunatapas mikukunqaku. Qamkunapaqqa manam puchunqakuñachu trigota, vinota, aceiteta nitaq vacakunapa hinaspa ovejakunapa uñankunatapas, hinaptinmi yarqaymanta wañunkichik.

Jueces 6:3

Israelpa mirayninkuna tarpuptinkum, madianitakuna, amalecitakuna chaynataq intipa qespimunan lawmanta kaqkunapas paykunapa contranpi hamuqku.