Jueces 6:34 - CHUYA QELLQA La Biblia en Quechua de Ayacucho 2012

³⁴ Hinaptinmi Tayta Diospa Espiritun Gedeonta huntaykuptin trompetata tocarqa, chaymi Abiezer castakuna payman hukllawakuykurqaku.

Quechua Ayacucho Bible 1987

³⁴ Hinaptinmi Tayta Diospa Espiritun Gedeonta huntaykuptin cornetata tocarqa chaymi Abiezer casta runakuna payman huñunakaramurqaku.

Chuya Qellqa 1992

³⁴ Hinaptinmi Tayta Diospa Espiritun Gedeonta huntaykuptin trompetata tocarqa, chaymi Abiezer castakuna payman hukllawakuykurqaku.

Jueces 6:34 Iomraidhean Croise

1~Crónicas 12:18

Hinaptinmi kimsa chunka soldadokunapa kamachiqnin Amasaiman Tayta Diospa Espiritun huntaykurqa, chaymi pay nirqa: ¡David, ñoqaykuqa qampam kaniku! ¡Isaipa churin, ñoqaykuqa qanwanmi kachkaniku! ¡Hawkayay qanwan kachun! ¡Yanapaqnikikunawanpas hawkayay kachun! ¡Diosnikim yanapasuqnikiqa! nispa. Chaymi paykunata David chaskiykuspan tropankunata kamachinankupaq churaykurqa.

1~Crónicas 12:19

Manasespa wakin mirayninkunapas Davidmanmi hukllawakururqaku, Filistea tropakunawan Saulpa contranpi peleananpaq riptin. Chaywanpas Davidqa manam filisteokunataqa yanaparqachu, Filistea tropakunapi kamachikuqkuna Davidmanta rimanakuspanku “traicionaruwaspanchikmi reynin Saulman hukllawakuykunman” nispa qarqorusqankurayku.

2~Crónicas 24:20

Hinaptinmi sacerdote Joiadapa churin Zacariasman Tayta Diospa Espiritun huntaykurqa, chaymi altoniqman qespiruspan llapa runakunata nirqa: Tayta Diosmi kaynata nin: ¿Imanasqataq ñoqa Tayta Diospa kamachisqaykunata mana kasukunkichikchu? ¿Imanasqataq sasachakuynikichikta maskankichik? Chayraykum mana allinkuna hamusunkichik. Saqewasqaykichikraykum ñoqapas qamkunata saqerusqaykichik, nispa.

Números 10:3

Iskayninta tocachiptikim qampa ñawpaqnikiman asuykuwanaykichik carpapa punkunman lliw llaqta huñunakamunqaku.

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

Gálatas 3:27

Jesucristoman hukllawakuspa llapallan bautizakuqkunaqa payman rikchakuqñam kachkankichik.

Josué 17:2

Manasespa wakin ayllukunamanpas haykam kasqankuman hinam sorteaspa qorqaku. Paykunam karqaku Abiezerpa, Helecpa, Asrielpa, Siquempa, Heferpa hinaspa Semidapa mirayninkuna. Paykunam karqa Joseypa churin Manasespa mirayninkuna.

Jueces 13:25

Zora llaqtamanta Estaol llaqtaman rinapi, Dan ayllupa campamentonkunapi Sansón kachkaptinmi Tayta Diospa Espiritun paypi llamkayta qallaykurqa.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

Jueces 15:14

Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

Jueces 3:27

Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

Jueces 8:2

Chaymi Gedeón nirqa: Qamkunapa ruwasqaykichikmantaqa ñoqaqa asllatam ruwaruni, qamkunapa ruwasqaykichikqa aslla kaspapas ñoqaykupa ruwasqaykumantaqa aswan masraqmi.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 11:6

Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 13:3

Jonatanmi Gabaa llaqtapi Filistea tropakunata vencerurqa, chaytam wakin filisteokunañataq yacharurqaku. Hinaptinmi Saulqa cornetakunata tocachirqa Israel nacionpi, “Hebreo runakuna uyarichunku”, nispan.

1~Samuel 16:14

Tayta Diospa Espiritunmi Saulmanta anchurikururqa, hinaptinmi Tayta Diospa kachamusqan mana allin espíritu Saulta ñakarichirqa.