Jueces 6:30 - CHUYA QELLQA La Biblia en Quechua de Ayacucho 2012

³⁰ Chaymi Joasta nirqaku: Wañuchinaykupaq churikita hurqomuy, Baalpa altarnintam tuñirachisqa, chay altarpa waqtanpi kullumanta Aseratapas kuchurusqam, nispanku.

Quechua Ayacucho Bible 1987

³⁰ Chaymi Joasta nirqaku: —Churikita horqomuy wañuchinaykupaq, payqariki Baal taytachapa altarnintam tuñirachin, qoruruntaqmi chay altarpa waqtanpi Asera mamachatapas —nispa.

Chuya Qellqa 1992

³⁰ Chaymi Joasta nirqaku: Wañuchinaykupaq churikita hurqomuy, Baalpa altarnintam tuñirachisqa, chay altarpa waqtanpi kullumanta Aseratapas kuchurusqam, nispanku.

Jueces 6:30 Iomraidhean Croise

Jeremías 26:11

Chaymi sacerdotekunawan profetakuna, chay kamachikuqkunaman hinaspa lliw runakunaman nirqaku: Uyarisqaykichikpi hinapas, kay runaqa kay llaqtapa contranpim rimarun, chayraykum wañunanpaq sentenciasqa kanan, nispanku.

Jeremías 50:38

Mayunkunapa contranpi peleamuychik, chay mayukuna chakichun, Babiloniaqa tukuy rikchaq idolokunapa kananmi, chay idolonkum paykunata locoyarachin.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Hechos 26:9

Ñawpaqtaqa kikiypunim piensar-qani Nazaretmanta kaq Jesuspa contranpi tukuy mana allinkuna ruwayta.

Filipenses 3:6

Creesqaykuna cheqappuni kasqanta hapispaymi, Jesucristoman iñiqkunata ñakarichinaypaq qatikacharqani; leyta cumplispaymi mana huchayuq hina kawsarqani.

Jueces 6:29

Chaymi runakuna tapunakurqaku: ¿Pitaq kayta ruwarun? nispanku. Tapukachakuspankum Joaspa churin Gedeonpa ruwarusqanta yacharurqaku.

Jueces 6:31

Hinaptinmi contranpi kaq runakunata Joás nirqa: ¿Baal idolota nanachikuspachu pay-rayku peleankichik? Pipas payrayku peleaqqa manaraq achikyachkaptin wañuchun. Sichum Baal dios kaspaqa kikinyá altarnin tuñichiqwan peleachun, nispa.