Jueces 6:27 - CHUYA QELLQA La Biblia en Quechua de Ayacucho 2012

²⁷ Gedeonmi chunka criadonkunawan Tayta Diospa kamachisqanta ruwarqa, ichaqa taytanpa ayllunkunatawan llaqtapi runakunata manchakusqanraykum tutallan ruwarqa.

Quechua Ayacucho Bible 1987

²⁷ Chaynapimá Gedeonqa chunka sirvientenkunawan Tayta Diospa nisqanta hina rurarqa aswanqa taytanpa familiankunatawan llaqtapi runakunata manchakusqanraykum punchawpi rurayta mana munaspan tutallan rurarqa.

Chuya Qellqa 1992

²⁷ Gedeonmi chunka criadonkunawan Tayta Diospa kamachisqanta ruwarqa, ichaqa taytanpa ayllunkunatawan llaqtapi runakunata manchakusqanraykum tutallan ruwarqa.

Jueces 6:27 Iomraidhean Croise

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Juan 15:14

Sichum kamachisqayta ruwaspaykichikqa amistadniykunam kankichik.

Juan 2:5

Chaymi serviqkunata María nirqa: Jesuspa imam nisusqaykichikta ruwaychik, nispa.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Deuteronomio 4:1

Israelpa mirayninkuna, kay yachachisqay kamachikuykunatawan yachachikuykunatayá kasukuychik. Kasukuspaykichikqa manam wañun-kichikchu, hinaspam ñawpaq taytaykichikkunapa yupaychasqan Tayta Diospa qosunaykichik allpaman yaykunkichik.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

Jueces 6:26

Wak moqopa hawanpi, ñoqa Tayta Diospaq altarta ruwapamuway hinaspa allinnin torota wañuchipuwaspayki kullumanta Asera idolotapas yantaspayki chaywan lliw kañana sacrificiota ofrecemuway, nispa.

Jueces 6:28

Paqarinnintin tutapaytam llaqtapi runakuna hatarimuspanku Baalpa altarninta tuñisqataña tariykurqaku, kullumanta Asera idolotapas kuchusqatañam tariykurqaku, altarta ruwaspa allinnin toro kañasqantapas tariykurqakum.