Jueces 6:21 - CHUYA QELLQA La Biblia en Quechua de Ayacucho 2012

²¹ Tayta Diospa angelninñataqmi hapisqan tawnata haywarispan puntanwan aychata hinaspa mana levadurayuq tantata tupaykurqa, hinaptinmi rumimanta nina lloqsiramuspan aychatawan mana levadurayuq tantata ruparurqa. Chaymantam Tayta Diospa angelnin chinkarurqa.

Quechua Ayacucho Bible 1987

²¹ Hinaptinmi Tayta Diospa angelninñataq makinpi kaq tawnata haywarispan puntanwan aychata hinaspa mana qonchuyoq tantata tupaykurqa hinaptinmi rumimanta nina rataramuspan aychatawan mana qonchoyoq tantata ruparurqa. Ichaqa Tayta Diospa angelninmi ñawpaqninmanta chinkarurqa.

Chuya Qellqa 1992

²¹ Tayta Diospa angelninñataqmi hapisqan tawnata haywarispan puntanwan aychata hinaspa mana levadurayuq tantata tupaykurqa, hinaptinmi rumimanta nina lloqsiramuspan aychatawan mana levadurayuq tantata ruparurqa. Chaymantam Tayta Diospa angelnin chinkarurqa.

Jueces 6:21 Iomraidhean Croise

1~Reyes 18:38

Hinaptinmi Tayta Diospa ninan wichiykamuspan ruparurqa torota, yantata, rumikunata hinaspa allpatapas, muyuriqnin yarqapi yakutapas chakirachirqam.

1~Crónicas 21:26

Hinaspanmi Tayta Diospaq altarta hatarichispan lliw kañana sacrificiotawan Dioswan allinlla kasqanmanta ofrendakunata ofrecerqa. Chaymantam Tayta Diosta mañakuptin payñataq nimurqa, hanaq pachamanta lliw kañana sacrificiota churasqan altarpa hawanman ninata kacharimuspan.

2~Crónicas 7:1

Mañakuyta Salomón tukuruptillanmi nina hanaq pachamanta wichiykamurqa, hinaspam lliw kañana sacrificiotawan wakin sacrificiokuna ofrecesqanta ruparurqa, hinaptinmi Tayta Diospa kanchariynin temploman huntaykurqa,

Isaías 38:7

Tayta Diospa rimasqan cumplikunanta yachanaykipaqmi kay señal kanqa:

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Jueces 13:19

Hinaptinmi Manoaqa huk cabrachatawan kawsaykunamanta ofrendata apaspan rumipa hawanpi Tayta Diospaq kañapurqa. Chaymi warmi-qari qawachkaptinku Tayta Diospa angelnin huk milagrota ruwarqa.

Jueces 13:20

Altarmanta nina altoman lenwaptinmi, chay lenwachkaq ninapi Tayta Diospa angelnin wicharirqa. Chayta rikuruspankum Manoaqa warminpiwan pampakama qonqoranpa kumuykurqaku.

Jueces 6:20

Chaymi Gedeonta Diospa angelnin nirqa: Aychatawan mana levadurayuq tantata kay rumipa hawanman churaspa caldontañataq talliy, nispa. Chaymi Gedeón chaynata ruwarqa.