Jueces 6:15 - CHUYA QELLQA La Biblia en Quechua de Ayacucho 2012

¹⁵ Hinaptinmi Gedeón nirqa: Señorlláy, ¿imawantaq Israelpa mirayninkunata librasaq? Manasés ayllu ukupiqa llapanmanta wakcham kaniku, aylluy ukupipas mana kaqpaq hapisqam kallani, nispa.

Quechua Ayacucho Bible 1987

¹⁵ Hinaptinmi Gedeonñataq nirqa: —Ichaqa Señorlláy, ñoqaqa ¿imawantaq librasaq Israel casta runakunataqa? Manases ayllumantapas familiayqa llumpay wakcham, ñoqañataqmi taytaypa churinkunamantapas sullka kaq kani —nispa.

Chuya Qellqa 1992

¹⁵ Hinaptinmi Gedeón nirqa: Señorlláy ¿imawantaq Israelpa mirayninkunata librasaq? Manasés ayllu ukupiqa llapanmanta wakcham kaniku, aylluy ukupipas mana kaqpaq hapisqam kallani, nispa.

Jueces 6:15 Iomraidhean Croise

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Éxodo 3:11

Chaymi Diosta Moisés nirqa: ¿Pitaq ñoqaqa kani rey Faraonman rispay Egipto nacionmanta Israelpa mirayninkunata hurqomunaypaqqa? nispa.

Éxodo 4:10

Chaymi Tayta Diosta Moisés nirqa: ¡Ay, Señorlláy! Ñawpaqpas kunanpas ñoqaqa mana ancha rimay atiqmi kani, kay serviqnikiqa wata-watata rimaqmi kani, nispan.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 50:45

Chaynaqa, Babilonia nacionpa contranpi tanteasqaytawan Caldea runakunapa contranpi tanteasqayta uyariychik: Uña ovejanku-natapas aysaspam apanqaku, pastonkunatapas kañaykunqakum.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Lucas 1:34

Hinaptinmi Mariañataq tapurqa: Manaraq qariwan kachkaptiyqa, ¿imay-nataq chayqa kanman? nispa.

1~Corintios 15:9

Ñoqaqa llapallan apostolkunamantapas taksan kaqmi kani, ñoqaqa iñiqkunata ñakarichisqayraykum mana apostolwan sutichawanankupaq hinachu kani.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

1~Samuel 18:23

Saulpa serviqninkuna chaynata willaykuptinkum paykunata David nirqa: ¿Yanqallapaqchu reypa masan karuyta hapinkichik? Ñoqaqa wakcham kani, nitaqmi reqsisqachu kani, nispa.

1~Samuel 9:21

Chaymi Saúl nirqa: ¿Imanasqataq chaynata niwanki? ¿Manachum ñoqaqa kani Israelpi llapallan ayllukunamanta taksan kaq Benjamín castamanta? Hinaptinqa, ¿imanasqamá chaykunataqa niwanki? nispa.