Jueces 6:13 - CHUYA QELLQA La Biblia en Quechua de Ayacucho 2012

¹³ Hinaptinmi Gedeón nirqa: Señorlláy, Tayta Dios ñoqaykuwan kaptinqa, ¿imanasqataq tukuy kaykunaqa pasawachkanku? ¿Maytaq ñawpaq taytaykupa admirakuypaq kaqkuna willawasqankuqa? Paykunam willakuqku “Tayta Diosmi Egipto nacionmanta hurqomuwarqanchik”, nispanku. Kunanñataqmi Tayta Diosqa saqeruwaspanku Madián castakunaman qoykuwanku, nispa.

Quechua Ayacucho Bible 1987

¹³ Hinaptinmi Gedeonñataq nirqa: —Señorlláy, Tayta Dios ñoqaykuwan kachkaptinqa ¿imanasqamá tukuy kaykunaqa hamuwanku? ¿Maytaq abueloykunapa willawasqanku tukuy admirakuypaq milagrokunaqa? Paykunam willakuqku “Tayta Diosmi Egipto nacionmanta horqomuwarqanchik” nispanku. Kunanñataqmi Tayta Diosqa dejaruwaspanku Madian casta runakunaman qoykuwanku.

Chuya Qellqa 1992

¹³ Hinaptinmi Gedeón nirqa: Señorlláy, Tayta Dios ñoqaykuwan kaptinqa ¿imanasqataq tukuy kaykunaqa pasawachkanku? ¿Maytaq ñawpaq taytaykupa admirakuypaq kaqkuna willawasqankuqa? Paykunam willakuqku “Tayta Diosmi Egipto nacionmanta hurqomuwarqanchik”, nispanku. Kunanñataqmi Tayta Diosqa saqeruwaspanku Madián castakunaman qoykuwanku, nispa.

Jueces 6:13 Iomraidhean Croise

Génesis 25:22

Chaymi wawankuna wiksan ukupi peleakuptinku nirqa: ¿Imapaqtaq kawsasaq kayna kaptinqa? nispa. Chayraykum Tayta Diosta tapurqa.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 63:11

Moisesmantawan llaqtanmanta yuyarispankum tapunakurqaku: ¿Maypitaq kachkan lamar qochamanta michiqninkunatawan ovejankunata salvaq Diosqa? ¿Maypitaq kachkan Moisesman Chuya Espirituta qoq Diosqa?

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Jeremías 23:33

Jeremías, sichum kay runakuna, llapa profetakuna otaq sacerdotekunapas tapusunkiman: ¿Imatataq Tayta Dios nisurqanki? nispanku, hinaptinqa paykunatam ninki, Tayta Diosmi kaynata nin: Qamkunaqa llasaq qepi hinam ñoqapaq kankichik, chayraykum saqerusqaykichik, nispa.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 29:24

Hinaptinmi llapa runakuna tapukunqaku: “¿Imanasqataq kay allpata Tayta Dios kaynata castigarun? ¿Imanasqataq kaynataña piñakurun?” nispanku.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Jueces 6:1

Israelpa mirayninkuna Tayta Diospa qayllanpi mana allinkunata ruwaptinkum madianitakunaman qanchis watapaq qoykurqa.

Jueces 6:12

Chaypim Tayta Diospa angelnin rikuriykuspan Gedeonta nirqa: ¡Kallpasapa qari, Tayta Diosmi qanwan kachkan! nispa.