Jueces 6:10 - CHUYA QELLQA La Biblia en Quechua de Ayacucho 2012

¹⁰ Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.

Quechua Ayacucho Bible 1987

¹⁰ Paykunatam nirqani: “Ñoqam qamkunapa yupaychasqaykichik Tayta Dios kani, Amor casta runakunapa diosninkutaqa amam manchakunkichikchu, paykunapa allpanpim kunanqa *f**yachachkankichik” nispa. Ichaqa chaynata castamasikichikkunaman nichkaptiypas manam kasukurqankichikchu.

Chuya Qellqa 1992

¹⁰ Nirqaykichiktaqmi: “Ñoqam qamkunapa Diosnikichik kani, amorreokunapa diosninkutaqa amam manchakunkichikchu, paykunapa allpanpim kunan yachachkankichik”, nispay. Qamkunam ichaqa mana kasukurqankichikchu, nispa.

Jueces 6:10 Iomraidhean Croise

2~Reyes 17:13

Chayraykum Tayta Diosqa profetakunawan chaynataq revelación chaskiqkunawan Israel nacionta hinaspa Judá nacionta anyaspan kaynata nirqa: Mana allin ñanmanta kutirikamuychik hinaspa kamachikuyniykunatawan yachachikuyniykunata waqaychaychik, ñawpaq taytaykichikman yachachisqay kamachikuykunata kasukuychik, chaykunataqa serviqniy profetaykunatakamam willachirqaykichik, nispa.

2~Reyes 17:33

Tayta Diosta yupaychachkaspankupas idolonkunataqa hinallam serviqku, chaynataqa ruwaqku nacionninkupi costumbrenkuman hinam.

2~Reyes 17:7

Chaykunaqa Israel runakunata pasarqa Egiptopa reynin Faraonpa makinmanta hurqomuqninku Tayta Diospa contranpi huchallikuspanku tukuy rikchaq idolokunataña yupaychasqankuraykum;

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Proverbios 5:13

yachachiwaqniytapas manam kasurqanichu, consejawasqantapas manam uyariqpas tukurqanichu,

Jeremías 10:2

Tayta Diosmi kaynata nin: Mana reqsiwaqniy nacionkunapa ruwasqantaqa ama qatipakuychikchu, amayá cielokunapi señalkunataqa manchakuychikchu, chay nacionkunaña manchakuptinpas.

Jeremías 17:23

Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 42:21

Yupaychasqanchik Tayta Diospa nimuwasqanta kunan qamkunaman willap-tiypas manam kasukunkichikchu.

Jeremías 43:4

Chaynapim Careapa churin Johananpas, tropankunapa capitannin-kunapas, lliw runakunapas, Judá nacion-pi yachaqkunapas Tayta Diospa kamachisqantaqa mana kasukurqakuchu.

Jeremías 43:7

Hinaspankum Tayta Diospa nisqanta mana kasukuspanku, Egipto nacionman rispanku Tafnes llaqtaman chayarurqaku.

Jeremías 9:13

Hinaptinmi Tayta Diosñataq niwarqa: Chaykunaqa pasakurqa Israelman qosqay kamachikuyniykunata saqerus-qankuraykum, paykunaqa nisqaykuna-tapas manam kasukurqakuchu nitaq-mi ruwaymanpas churarqakuchu.

Sofonías 3:2

Payqa manam Diospa Chuya siminta uyarirqachu, manam corregichikuytapas munarqachu, Tayta Diospipas manam hapipakurqachu, nitaqmi asuykuytapas munarqachu.

Romanos 10:16

Ichaqa manam llapallankuchu allin noticiata kasukunku. Isaiasmi nirqa: Señorlláy, ¿pitaq willakusqaykutaqa creerqa? nispa.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?

Jueces 6:9

Egipto runakunamantam libramur-qaykichik, librarqaykichiktaqmi ñakari-chisuqnikichik runakunamantapas, qayllaykichikmanta chay nacionkuna-ta qarqoruspaymi allpankutapas qam-kunamanña qorqaykichik.