Jueces 5:31 - CHUYA QELLQA La Biblia en Quechua de Ayacucho 2012

³¹ ¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.

Quechua Ayacucho Bible 1987

³¹ ¡Dios Taytalláy, llapa enemigoykikunaqa chaynatayá wañuchun! ¡Kuyasuqnikikunayá ichaqa kancharichkaq qespimuq inti hina kachun! Chaynapimá chaylawpiqa mana guerra karqachu tawa chunka wata.

Chuya Qellqa 1992

³¹ ¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.

Jueces 5:31 Iomraidhean Croise

2~Samuel 18:31

Chayllamanmi etíope soldadopas chayaramuspan nirqa: Reynilláy, kay allin willakuytayá uyariy. Kunanmi contraykipi llapallan hoqarikuqkunamanta Tayta Dios libraykusunki, nispa.

2~Samuel 18:32

Hinaptinmi etíope soldadota rey tapurqa: ¿Allinllachu churiy Absalón kachkan? nispa. Etíope soldadoñataqmi nirqa: Chay runa hinayá qam señorniy reypa enemigoykikunapas ruwasqa kachun chaynataq daño ruwasunaykipaq contraykipi llapallan hoqarikuqkunapas, nispa.

2~Samuel 23:4

achikyaykamuptin intipa kanchariynin hina kanqa, mana puyuyuq punchawpi kanchamuq inti hinam kanqa, allpamanta pastota ikllichimuq para hinam kanqa.

Éxodo 20:6

Kamachikuyniyta kasukuspa kuyawaqniy runatam ichaqa waranqantin mirayninkama kuyasaq.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Daniel 12:3

Yachayniyuq runakunam, achkallaña runakunata allin ñanninta pusaqkunam, chuyay-chuyay kichasqa cielo hina kancharinqaku, chaskakuna hinam wiñaypaq kancharinqaku.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Mateo 13:43

Chuya kaqkunam ichaqa inti hinaraq Taytankupa munaychakuyninpi kancharinqaku. Haykam uyariqkunaqa kasukuychikyá.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 8:3

Dios kuyaq runaqa Diospa reqsisqanmi.

Efesios 6:24

Haykam mana iskayrayaspa Señorninchik Jesucristota kuyaqkunamanyá, kuyakuyninta Diosninchik qochun.

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Deuteronomio 7:9

Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

Apocalipsis 1:16

Alleqnin lawpim kasqa qanchis chaskakuna, siminmantañataqmi lloqsirqa iskay lawnin filoyuq ñawchi espada, uyanpas kasqa chawpi punchawpi intipa kanchaynin hinaraqmi.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.

Jueces 3:11

Chaymi Israel nacionpi tawa chunka wata guerra mana karqachu, chaymantam Cenazpa churin Otoniel wañukurqa.

Jueces 3:30

Chaynapim Moab nacionqa Israel castakunapa munaychakusqanña karqa, chaymantam pusaq chunka wata guerra mana karqachu.