Jueces 4:7 - CHUYA QELLQA La Biblia en Quechua de Ayacucho 2012

⁷ Ñoqam Cisón mayuman, rey Jabinpa tropankunapa kamachiqnin Sisarata, carretankunata hinaspa tropankunata pusamusaq, chaypim makikiman churasaq, nispa.

Quechua Ayacucho Bible 1987

⁷ Ñoqam pusamusaq Cison Mayu Wayqoman Rey Jabinpa tropankunapa kamachiqnin Sisarata chaynataq carretankunata hinaspa tropankunatapas, chaypim qanpa makikiman churasaq” nispa.

Chuya Qellqa 1992

⁷ Ñoqam Cisón mayuman, rey Jabinpa tropankunapa kamachiqnin Sisarata, carretankunata hinaspa tropankunata pusamusaq, chaypim makikiman churasaq, nispa.

Jueces 4:7 Iomraidhean Croise

1~Reyes 18:40

Chaymi Elías nirqa: Baalpa profetankunata hapiychik, ama hukllapas lluptichunchu, nispa. Hapiruptinkum Cisón wayqoman Elías pusaspan llapallanta chaypi wañurachirqa.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 21:13

Pipas mana wañuchiyta munachkaptin ichaqa Dios munarqa chay runapa makinpi wañunanta, hinaptinqa chay runam amparakunapaq akllasqay sitioman ayqekunqa.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

Josué 11:6

Ichaqa Josueytam Tayta Dios nirqa: Ama paykunataqa manchakuychu, paqarinmi kay horata llapallankuta wañusqata Israelpa mirayninkunaman qoykusaq. Qamñataqmi caballonkunapa atakankunata kuchuspa carretankunatapas kañanki, nispa.

Josué 8:7

Qamkunañataqmi pakakusqaykichikmanta lloqsiramuspa llaqtaman yaykurunkichik, Diosninchik-mi makikichikman churamunqa.

Jueces 4:14

Hinaptinmi Baracta Débora nirqa: Kunan punchawmi Sisarata makikiman Tayta Dios churaykun, kikin Tayta Diosmi ñawpaqnikita richkan, nispa. Chaymi Baracñataq chunka waranqa runakunawan Tabor moqomanta uraykamurqa.

Jueces 4:8

Hinaptinmi Deborata Barac nirqa: Qam riptikiqa risaqmi, mana chayqa manam risaqchu, nispa.

Jueces 5:21

Cisón wayqopi lloqllam llapa enemigonchikta aparurqa, Cisón wayqopi ñawpaq lloqllam paykunata aparurqa. Ñoqallayqa mana manchakuspam ñawpaqman risaq.

1~Samuel 24:10

Reynilláy, qawasqaykiman hinam wak machaypi qamta makiyman Tayta Dios churaykamurqa, chaymi “wañurachiy” nispa niwaptinkupas qamta llakipayaspa mana wañurachirqaykichu, aswanmi nirqani: “Reyniytaqa manam wañuchiymanchu, payqa Tayta Diospa sapaqchakusqan reymi”, nispay.

1~Samuel 24:18

Kunanmi kuyapayakuynikita qawayka-chiwanki, makikiman Tayta Dios churay-kuwachkaptinpas manam wañurachiwarqankichu.