Jueces 4:3 - CHUYA QELLQA La Biblia en Quechua de Ayacucho 2012

³ Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

Quechua Ayacucho Bible 1987

³ Chaymi Israelpa mirayninkuna Tayta Diosta qaparispa mañakurqaku. Jabinpaqa guerrapaq fierromanta carretankunam karqa isqon pachak. Israelpa mirayninkunatam iskay chunka wata llumpayta ñakarichirqa.

Chuya Qellqa 1992

³ Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

Jueces 4:3 Iomraidhean Croise

Éxodo 2:23

Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Deuteronomio 28:29

hinaptinmi chawpi punchaw kachkaptinpas tutayaypi hinaña llapchaykachastin ñawsa hina purinkichik. Ima ruwasqaykichikpas manam allinqa lloqsinqachu. Runakunam ñakarichisuspaykichik tukuy imaykichiktapas apakunqaku, ichaqa manam pipas yanapaqnikichik hamunqachu.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Josué 17:16

Chaymi Joseypa mirayninkuna nirqaku: Arí, kay montekunaqa manam haypawankuchu. Pampakunapi yachaq cana-neokunawan Bet-seán llaqtapi hinaspa taksa llaqtankunapi chaynataq Jezreel qechwapi yachaqkunaqa fierromanta carretakunatam hatallinku, nispanku.

Jueces 1:19

Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Jueces 3:15

Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.

Jueces 3:9

Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa.

Jueces 4:13

Sisarañataqmi guerrapaq fierromanta isqon pachaknintin carretankunata chaynataq llapallan tropankunata huñuruspan Haroset-goim llaqtamanta Cisón wayqoman rirqa.

Jueces 4:4

Chay tiempopim Israel miraykunata Lapidotpa warmin Débora kamachirqa, payqa profetisam karqa.

Jueces 5:8

Mana reqsisqanku dioskunatam akllakuykurqaku, guerrañataqmi llaqtakunapa punkunpiña kachkarqa, tawa chunka waranqa Israel miraykunapiqa manam chulla lanzallapas rikukurqachu, manataqmi huk escudollapas karqachu.

Jueces 6:6

Madianitakunaraykum Israelpa mirayninkuna llumpayta wakchayarurqaku, hinaspam qaparispanku Tayta Diospa yanapakuyninta mañakurqaku.

1~Samuel 7:8

Chaymi Samuelta nirqaku: Tuta punchawyá yupaychasqanchik Diosta, Tayta Diosninchikta mañapuwayku, chaynapi filisteokunapa makinmanta librawanankupaq, nispanku.