Jueces 4:15 - CHUYA QELLQA La Biblia en Quechua de Ayacucho 2012

¹⁵ Barac peleayta qallaykuptinmi, Sisarata chaynataq carretankunatawan llapallan tropankunatapas Tayta Dios cheqerachirqa; Sisarapas carretanmanta uraykuspam mancharisqallaña lluptirurqa.

Quechua Ayacucho Bible 1987

¹⁵ Hinaptinmi Barac peleaptin Tayta Dios musparachirqa Sisarata chaynataq llapallan carretankunatapas hinaspa llapallan tropankunatapas chaymi Sisaraqa carretanmanta uraykuspan chakillawanña lluptirurqa.

Chuya Qellqa 1992

¹⁵ Barac peleayta qallaykuptinmi, Sisarata chaynataq carretankunatawan llapallan tropankunatapas Tayta Dios cheqerachirqa; Sisarapas carretanmanta uraykuspam mancharisqallaña lluptirurqa.

Jueces 4:15 Iomraidhean Croise

2~Reyes 7:6

Tayta Diosmi Siria tropakunapa campamentonpi uyarirachirqa carretakunapa caballokunapa kallpayninta hinaspa nana-nanaq tropakunapa sinchi qapariyninta. Chayraykum ninakurqaku: Israelpa reyninmi qollqewan contrataramun Het castakunapa reyninkunatawan Egipto lawpi reykunata hamuspa contranchikpi peleanankupaq, nispanku.

Deuteronomio 7:23

Kikin Señornikichik Tayta Diosmi chay nacionkunata makikichikman churanqa, hinaspam chinkachinankama pasaypaqta tuñirachinqa.

Hebreos 11:32

¿Imatawanraqtaq niyman? Tiempo-pas manam haypawanmanchu, Gedeon-manta, Baracmanta, Sansonmanta, Jeftey-manta, Davidmanta, Samuelmanta chay-nataq profetakunamantapas rimaptiyqa.

Josué 10:10

Tayta Diosmi Israelpa mirayninkunapa ñawpaqninpi amorreokunata musparachirqa. Chaymi Israelpa mirayninkunaqa Gabaón llaqtapa hichpanpi anchallataña wañurachirqaku. Bet-horonman riq ñanninta qatispankuñataqmi Azeca llaqtakama chaynataq Maceda llaqtakama wañuparachirqaku.

1~Samuel 7:10

Samuelmi sacrificiota kañas-pan Tayta Diosman ofrecech-karqa, chayllamanmi filisteokuna chayaramurqaku Israel runakunawan peleanankupaq; hinaptinmi atiyniyuq Diosñataq filisteokunapa contranpi nisyullay nisyu rayota kachaykamurqa, chaymi mancharikuymanta, filisteokuna vencerachikurqaku.