Jueces 4:14 - CHUYA QELLQA La Biblia en Quechua de Ayacucho 2012

¹⁴ Hinaptinmi Baracta Débora nirqa: Kunan punchawmi Sisarata makikiman Tayta Dios churaykun, kikin Tayta Diosmi ñawpaqnikita richkan, nispa. Chaymi Baracñataq chunka waranqa runakunawan Tabor moqomanta uraykamurqa.

Quechua Ayacucho Bible 1987

¹⁴ Hinaptinmi Baracta Debora nirqa: —Kunan punchawmi Tayta Dios makikiman churaykun Sisarata, kikin Tayta Diosmi ñawpaqnikita richkan —nispa. Chaymi Baracñataq Tabor Moqomanta uraykamurqa chunka waranqa runakunawan.

Chuya Qellqa 1992

¹⁴ Hinaptinmi Baracta Débora nirqa: Kunan punchawmi Sisarata makikiman Tayta Dios churaykun, kikin Tayta Diosmi ñawpaqnikita richkan, nispa. Chaymi Baracñataq chunka waranqa runakunawan Tabor moqomanta uraykamurqa.

Jueces 4:14 Iomraidhean Croise

Génesis 19:14

Chaymi wasinmanta Lot lloqsispan warmi churinkuna casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

Génesis 44:4

Paykuna llaqtamanta lloqsiruspa manaraqpas karupi kachkaptinkum, mayordomonta José nirqa: Utqayman chay runakunata qatiy, hayparuspaykim paykunata ninki: “¿Imanasqataq allin ruwasuqnikichikta mana allinwan kutirachinkichik? ¿Imanasqataq qollqemanta vasonta suwaramurqankichik?

2~Samuel 5:24

Bálsamo sachakunapa kallmanpi saqaqaqaqta uyarispaykim pawaykamunki. Chaynapim yachanki Filistea tropakunata wañuchimunaypaq qampa ñawpaqnikita ñoqa Tayta Dios risqayta, nispa.

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Miqueas 2:13

Ñanta kichaqmi ñawpaqninkuta rinqa, paykunañataqmi ñanta kicharuspa llaqtapa punkunta lloqsinqaku. Reyninku Tayta Diosñataqmi paykunapa ñawpaqninta rinqa.

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 7:13

Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Jueces 19:28

Chaymi qosan nirqa: Hatariy, haku ripusun, nispa. Ichaqa wañusqaña kasqanraykum mana rimarirqañachu, chaymi qosanqa warminpa ayanta asnonman churkuykuspan maymi yachasqanman ripukurqa.

Jueces 4:10

Baracmi Cedes llaqtaman Zabulón ayllumanta hinaspa Neftalí ayllumanta chunka waranqa runakunata huñurachirqa. Deborapas paywanmi rirqa.

Jueces 7:9

Chay tutam Gedeonta Tayta Dios nirqa: Hatarispa madianitakunapa campamentonman uraykuy, paykunatam makikiman churasaq.

1~Samuel 9:26

Samuelmi paqarinnintin achikyaqta Saulta altospi puñuchkaptin qayarqa: Hatariyña avianaypaq, nispan. Hatariruspanmi Samuelwan kuska llaqtaman lloqsirqaku.