Jueces 3:7 - CHUYA QELLQA La Biblia en Quechua de Ayacucho 2012

⁷ Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku.

Quechua Ayacucho Bible 1987

⁷ Israelpa mirayninkunamá Tayta Diospa qayllanpi mana allinta ruraspanku yupaychasqanku Tayta Diosta qonqarurqaku hinaspam Baal sutiyoq taytachakunataña chaynataq Asera sutiyoq mamachakunataña adorarqaku.

Chuya Qellqa 1992

⁷ Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku.

Jueces 3:7 Iomraidhean Croise

1~Reyes 16:33

Ruwachirqataqmi Asera idolotapas, chaykunawanmi ñawpaq reykunamantapas astawanraq Israelpa yupaychasqan Tayta Diosta piñachirqa.

1~Reyes 18:19

Kunanyá Carmelo orqoman huñuchimuy Israelpi llapallan runakunata, Baal idolopa tawa pachak pichqa chunka profetankunata hinaspa Asera idolopa Jezabelpa mikuchisqan tawa pachak profetankunatapas, nispa.

2~Reyes 23:14

Ñutuparurqataqmi rumimanta ruwasqa idolokunatapas, Asera idolokunatapas, chaykunata hur-qosqanku sitiokunamanpas runakunapa tullunkunawanmi huntarachirqa.

2~Reyes 23:6

Tayta Diospa templonpi kaq Asera idolotapas hurqorachispanmi Jerusalén llaqtamanta hawaman aparuspan Cedrón wayqopi kañarurqa uchpayanankama. Uchpantañataqmi llaqta runakunapa pampakunanman machqeparurqa.

2~Crónicas 15:16

Rey Asaqa abuelan Maacatapas reina kayninmantam hurqorurqa Asera idolota ruwachisqanrayku. Chay idolotam kuchuparuspan ñutururqa, hinaspam Cedrón wayqopi kañarurqa.

2~Crónicas 24:18

Hinaptinmi ñawpaq taytankupa yupaychasqan Tayta Diospa templonta qepanchaspanku, Asera sutiyuq idolokunatawan tukuy rikchaq idolokunataña yupaycharqaku. Chay huchankuraykum Judá nacionmanwan Jerusalenman Tayta Diospa piñakuynin chayarqa.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:3

Taytan Ezequiaspa tuñichisqan capillakunatapas kaqllamanta hatarichispanmi Baal idolopaqña altarkunata ruwarqa, ruwarqataqmi Asera idolokunatapas. Cielokunapi tukuy ima kaqkunatapas yupaycharqam.

2~Crónicas 34:3

Pusaq wataña munaychakuyninpim, rey Josiasqa warmallaraq kachkaspan, ñawpaq taytan Davidpa Diosninta maskayta qallaykurqa. Chunka iskayniyuq wataña munaychakuchkaspanmi, Judá nacionpi chaynataq Jerusalén llaqtapi kaq moqokunapi capillakunata, Asera idolokunata, metalta chulluchispa ruwasqa tukuy rikchaq idolokunata hinaspa rumimanta labrasqa idolokunatapas wischuyta qallaykurqa.

2~Crónicas 34:7

Altarkunata, Asera idolokunata, rumimanta labrasqa rikchaqmana idolokunata hinaspa Israel nacionpi incienso kañana altarkunata tuñiparachimuspanmi Jerusalén llaqtaman kutimurqa.

Éxodo 34:13

Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Jeremías 23:27

Mosqosqankuta willanakuspankum runaykuna qonqaruwananta munachkanku, imaynam ñawpaq taytankupas qonqaruwaspanku Baal idolotaña qatisqankuta hina.

Deuteronomio 16:21

Señornikichik Tayta Diospa altarninpa waqtanpiqa amam ima sachatapas Asera idolopaqqa plantankichikchu.

Deuteronomio 4:9

Amam ima rikumusqaykichikman-tapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chay-kunataqa churikichikkunamanpas willkaykichikkunamanpas yachachinkichikmi.

Deuteronomio 8:11

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Deuteronomio 8:14

amam hatun tukuqqa rikurirunkichikchu, nitaqmi Señor-nikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

Deuteronomio 8:18

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

Jueces 3:12

Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa.

Jueces 3:8

Chaymi Israel castakunapaq Tayta Dios piñakuspan Mesopotamiapa reynin Cusan-risataimmanña qoykurqa, chaynapim Israelpa mirayninkunaqa Cusan-risataimtaña pusaq wata servirqaku.

Jueces 6:25

Chay tutallam Gedeonta Tayta Dios nirqa: Taytaykipa animalninkunamanta qan-chis watayuq allinnin toronta hapiy hinaspa taytaykipa Baal idolonpa altarninta tuñichimuy, altarpa ladonpi Asera idolotapas kuchumuytaq.

Jueces 8:33

Gedeón wañukuptinmi, Israelpa mirayninkunaqa Tayta Diosta saqeruspanku kaqllamanta huchallikuyta qallaykurqaku, hinaspam Baal idolokunapa qepantaña pasakurqaku, paykunaqa diosninkupaqpas Baal-berit sutiyuq idolotañam akllakuykurqaku.

Jueces 8:34

Israelpa mirayninkunaqa, muyuriqnin nacionkunapi llapallan enemigonkumanta libraqnin Tayta Diostam qonqarurqaku.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.

1~Samuel 12:9

Paykunam ichaqa Diosninkuta qonqarurqaku. Chaymi Tayta Diosqa paykunata, Hazor llaqtapa tropakunata kamachiq Sísara sutiyuq runapa munaychakunanpaqña qoykurqa; qoykurqataqmi Filistea chaynataq Moab casta runakunamanpas, chaynapim paykuna guerrapi karqaku.